Fimmtán stig og tíu fráköst frá LeBron í sigri á meisturunum

Átta leikir fóru fram á undirbúningstímabili NBA-deiildarinnar í kvöld en þar ber hæst að nefna tíu stiga sigur LA Lakers gegn ríkjandi meisturum Golden State, 123-113.

Það var ekki mikil varnarleikur spilaður í Englaborginni í nótt en staðan var 57-61, Lakers í vil í hálfleik. Þeir kláruðu svo leikinn að lokum með tíu stigum.

Einu einni sem oftar var það Stephen Curry sem var stigahæstur meistaranna en hann skoraði 23 stig. Að auki gaf hann fimm fráköst. Næstur kom Klay Thomspon með 20 stig.

LeBron James hafði nokkuð hægt um sig í stigaskorun en hann skoraði fimmtán stig. Að auki tók hann tíu fráköst. Kyle Kuzma gerði 22 stig fyrir Lakers og Brandon Ingram 26 stig.

Hér að neðan má sjá öll úrslit næturinnar sem og helstu tilþrifin.

Öll úrslit næturinnar:

Washington - Detroit 102-97

Memphis - Orlando 86-102

Brooklyn - Toronto 91-118

San Antonio - Atlanta 127-130

New Orleans - Miami 128-140

Indiana - Chicago 89-104

Phoenix - Portland 83-116

Golden State - LA Lakers 113-123