Flautumark Karabatic tryggði Frökkum bronsið

Frakkar hrepptu bronsið á HM í handbolta en þeir tryggðu það með dramatískum sigri á Þýskalandi í Herning í Danmörku í dag.

Nikola Karabatic skoraði markið sem skildi liðin að á síðustu sekúndu leiksins eftir hádramatíska lokamínútu þar sem bæði lið fengu kjörin tækifæri til að gera út um leikinn.

Gífurlegt jafnræði var með liðunum og var jafnt á öllum tölum á síðasta stundarfjórðungi leiksins. Fór að lokum svo að Frakkland vann 25-26.

Danir og Norðmenn eigast við í úrslitaleik keppninnar klukkan 16:30.