Gröf mannsins sem „kom Ástralíu á kortið“ fannst í London

Fornleifafræðingar hafa staðfest að líkamsleifar sem fundist við uppgröft í London séu enska skipstjórans og landkönnuðarins Matthew Flinders. Skipstjórinn var sá fyrsti sem sigldi í kringum Ástralíu, um aldamótin 1800, og er sagður eiga heiðurinn að nafni landsins.

Líkamsleifar Flinders fundust í tengslum við framkvæmdir  á lagningu háhraðalestarleiðar (HS2) í borginni.

Til stendur að fjarlægja um 61 þúsund beinagrindur frá St James görðunum, þar sem lestarstöð fyrir nýja háhraðalest verður byggð, ekki langt frá Euston-stöðinni.

Sextíu uppgreftir

Ekki er langt síðan kista Flinders fannst og kom þá fram að skipstjórinn hafi verið jarðsettur 23. júlí 1814.

Uppgröfturinn hófst þar í október síðastliðinn, en hann er einn sextíu slíkra uppgrafta á leiðinni þar sem teinar háhraðalestarinnar eiga liggja, milli London og Birmingham.

Vitað var að Flinders var í hópi þúsunda sem voru jarðsettir á staðnum, en byggt var yfir hann þegar Euston-stöðin var stækkuð á nítjándu öld. Hægt var að bera kennsl á Flinders þar sem blýplötu með nafni Flinders hafði verið komið fyrir ofan á kistunni.