Katherine Helmond látin

Hollywood-leikkonan Katherine Helmond lést þann 23. febrúar síðastliðinn. Þetta staðfesti umboðsskrifstofa hennar í dag og sagði andlát hennar hafa stafað af fylgikvillum Alzheimer-hrörnunarsjúkdómsins. Helmond var 89 ára þegar hún lést.

Helmond vann á ferli sínum tvisvar til Emmy-verðlauna, annars vegar fyrir leik sinn í grínþáttunum Who‘s the Boss?, og hins vegar hlutverk sitt í skopþáttunum Soap. Hún átti samtals sjö tilnefningar til verðlaunanna.

Meðal annarra þekktra verka hennar voru þættirnir Everybody Loves Raymond og hin geysivinsæla Pixar-teiknimynd Cars.

David Christian, eiginmaður leikkonunnar gaf í kjölfar fréttanna um andlát Helmond út yfirlýsingu þar sem hann sagði hana hafa verið ástina í lífi hans.

„Ég hef verið með Katherine síðan ég var 19 ára. Kvöldið sem hún lést sá ég að tunglið var nákvæmlega hálft, rétt eins og ég er núna.“