„Létum þá líta allt of vel út“

Tottenham tapaði fyrri undanúrslitaleiknum í Mestaradeild Evrópu gegn Ajax á heimavelli sínum í kvöld.

„Við vorum undir pari. Við spiluðum alls ekki okkar besta leik og fyrstu 20 mínúturnar vorum við bara að horfa á boltann. Við þurfum að breyta miklu fyrir næsta leik,“ sagði Christian Eriksen í lok leiksins.

„Við létum þá líta allt of vel út. Þeir eru gott lið en við hjálpuðum þeim. Við gerðum svo betur í seinni hálfleik.“

Donny van de Beek skoraði eina mark leiksins snemma í fyrri hálfleik.

„Það skipti ekki máli hvaða kerfi við spiluðum í upphafi, við vorum langt frá okkar getu. Enginn vildi spila þennan leik svona. Við vorum betri í seinni hálfleik en töpuðum samt.“

Liðin mætast öðru sinni í Amsterdam og þar þarf Tottenham að vinna til þess að komast í sjálfan úrslitaleikinn.