Eigandi Cavaliers fékk líklega hjartaáfall

Dan Gilbert, eigandi NBA-liðsins Cleveland Cavaliers, lagðist inn á spítala í gær en óttast er að hann hafi fengið hjartaáfall.

Gilbert þekkti einkennin og lét koma sér á sjúkrahús sem allra fyrst þar sem hann er nú í meðhöndlun. Hann er sagður vera á fínum batavegi.

Gilbert er 57 ára gamall og hefur verið eigandi Cavaliers síðan árið 2005.

Með hann sem eiganda hefur félagið gengið vel og fimm sinnum komist í úrslitaeinvígi NBA-deildarinnar. Liðið varð svo meistari árið 2016.