Fara með meirihluta í hótelinu við Hörpu 5. júní 2019 07:00 Stefnt er að opnun hótelsins næsta vor, tveimur árum síðar en upphaflega var áætlað. vísir/vilhelm Íslenskir einkafjárfestar og lífeyrissjóðir fara nú með meirihluta hlutafjár í félagi sem stendur að byggingu fimm stjörnu Marriott Edition-hótels sem rís nú við hlið Hörpu í Austurhöfn. Hópurinn, sem er undir forystu framtakssjóðs í rekstri Stefnis, lagði félaginu til tæpa 1,3 milljarða króna í nýtt hlutafé í fyrra og eignaðist þá 66 prósenta hlut í verkefninu. Samkvæmt heimildum Markaðarins er áformað að endanlegur hlutur Íslendinganna í verkefninu – í gegnum félagið Mandólín – verði um 70 prósent á móti 30 prósenta hlut bandaríska fasteignaþróunarfélagsins Carpenter & Company. Íslensku fjárfestarnir lögðu fyrr á árinu Cambridge Plaza Venture Company, móðurfélagi hótelfélagsins, til um sex milljónir dala, jafnvirði um 740 milljóna króna, í nýtt hlutafé, eftir því sem heimildir Markaðarins herma, en þeir hafa skuldbundið sig til að setja 14 milljónir dala, ríflega 1,7 milljarða króna, til viðbótar í félagið. Skuldbinding Mandólíns gagnvart verkefninu var aukin um 11 milljónir dala í lok síðasta árs, að því er fram kemur í nýbirtum ársreikningi félagsins, og er heildarskuldbinding þess því nú allt að 42 milljónir dala eða sem jafngildir tæplega 5,2 milljörðum króna miðað við núverandi gengi. Carpenter & Company, sem íslenski fjárfestirinn Eggert Þór Dagbjartsson er hluthafi í, lagði stærstan hluta af eiginfjárframlagi sínu í hótelverkefnið á fyrstu stigum þess og fór sem dæmi með 61,5 prósenta hlut í framkvæmdinni í lok árs 2016. Í kjölfar síðustu hlutafjáraukningar í hótelinu hafa íslensku fjárfestarnir hins vegar eignast ríflegan meirihluta í verkefninu. Ef miðað er við að heildarfjárfesting Mandólíns fyrir 70 prósenta hlut í verkefninu verði 42 milljónir dala, eins og skuldbinding félagsins hljóðar upp á, munu eigendur hótelfélagsins leggja því til alls um 60 milljónir dala, jafnvirði 7,4 milljarða króna, en verkefnið er að öðru leyti fjármagnað með lánsfé. Arion banki er sem kunnugt er aðallánveitandi að verkefninu og var jafnframt meðal stærstu eigenda lóðarinnar sem lögð er undir hótelið. Stærsti hluthafi Mandólíns með helmingshlut er framtakssjóðurinn SÍA III, sem er í rekstri Stefnis, dótturfélags Arion banka, en í hluthafahópi sjóðsins eru einkum íslenskir lífeyrissjóðir og tryggingafélög. Næststærstu hluthafar Mandólíns, með 12,5 prósenta hlut hvor, eru félögin Snæból og Stormtré en fyrrnefnda félagið er í jafnri eigu hjónanna Finns Reyrs Stefánssonar og Steinunnar Jónsdóttur og það síðarnefnda í eigu Hreggviðs Jónssonar, aðaleiganda Veritas Capital. Þá fer Vitinn Reykjavík, sem er að stærstum hluta í eigu viðskiptafélaganna Jónasar Hagan Guðmundssonar og Gríms Garðarssonar, með 9,4 prósenta hlut, Almenni lífeyrissjóðurinn með 6,2 prósent, Festa lífeyrissjóður 5,4 prósent og loks heldur Feier, félag hjónanna Hjörleifs Jakobssonar og Hjördísar Ásberg, á 4,1 prósents hlut. Upphaflega stóð til að opna hótelið í fyrra en Richard L. Friedman, forstjóri og aðaleigandi Carpenter & Company, og Daniel Flannery, framkvæmdastjóri Edition-hótela Marriott, sögðu í samtali við Fréttablaðið um síðustu helgi að nú væri stefnt að opnun næsta vor. Samið hefur verið til 50 ára við Marriott Edition sem mun sjá um reksturinn. Spurður um kostnaðinn við framkvæmdirnar sagði Friedman að bygging fimm stjörnu hótela fæli í sér áskoranir og því hefðu erlendir sérfræðingar verið kallaðir til starfa með hinum íslensku. „Íslenskir verktakar hafa ekki byggt fimm stjörnu hótel áður. Það gefur augaleið. Það er allt öðruvísi en að byggja íbúðablokk eða skrifstofubyggingu. Þannig að það hefur verið áskorun,“ sagði hann. Þrátt fyrir tafir og kostnaðarauka sagðist Friedman hins vegar vera brattur. „Þegar allt kemur til alls hef ég ekki áhyggjur.“ hordur@frettabladid.is, kristinningi@frettabladid.is Birtist í Fréttablaðinu Reykjavík Mest lesið Bankastjóri Íslandsbanka: „Ég samdi við Brynju strax á fyrsta alvöru stefnumótinu...“ Atvinnulíf Kvartanir borist vegna aflýstra flugferða Neytendur Olíuefni í Bugles sem eiga ekki að vera í snakkinu Neytendur „Þetta er ekki mjög töff en ég get ekki að þessu gert“ Atvinnulíf „Alltaf leiðindamál að lenda í svona“ Viðskipti erlent Gjaldþrotin námu 1,2 milljörðum króna Viðskipti innlent Húsið selt á 78 milljónir og Jakub þarf að reiða fram milljón Viðskipti innlent Ráðinn forstjóri Arctic Fish Viðskipti innlent „Þetta eru mjög mikil vonbrigði fyrir okkur“ Viðskipti innlent Framkvæmdastjóri í góðri æfingu með brandara og hrekki Atvinnulíf Fleiri fréttir „Þetta eru mjög mikil vonbrigði fyrir okkur“ Tekjur Haga jukust á fyrsta ársfjórðungi Bjarni Ingimar ráðinn rekstrarstjóri Avia Húsið selt á 78 milljónir og Jakub þarf að reiða fram milljón Gjaldþrotin námu 1,2 milljörðum króna Stýrivextir líklegast ekki lækkaðir aftur á þessu ári Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað Sjá meira
Íslenskir einkafjárfestar og lífeyrissjóðir fara nú með meirihluta hlutafjár í félagi sem stendur að byggingu fimm stjörnu Marriott Edition-hótels sem rís nú við hlið Hörpu í Austurhöfn. Hópurinn, sem er undir forystu framtakssjóðs í rekstri Stefnis, lagði félaginu til tæpa 1,3 milljarða króna í nýtt hlutafé í fyrra og eignaðist þá 66 prósenta hlut í verkefninu. Samkvæmt heimildum Markaðarins er áformað að endanlegur hlutur Íslendinganna í verkefninu – í gegnum félagið Mandólín – verði um 70 prósent á móti 30 prósenta hlut bandaríska fasteignaþróunarfélagsins Carpenter & Company. Íslensku fjárfestarnir lögðu fyrr á árinu Cambridge Plaza Venture Company, móðurfélagi hótelfélagsins, til um sex milljónir dala, jafnvirði um 740 milljóna króna, í nýtt hlutafé, eftir því sem heimildir Markaðarins herma, en þeir hafa skuldbundið sig til að setja 14 milljónir dala, ríflega 1,7 milljarða króna, til viðbótar í félagið. Skuldbinding Mandólíns gagnvart verkefninu var aukin um 11 milljónir dala í lok síðasta árs, að því er fram kemur í nýbirtum ársreikningi félagsins, og er heildarskuldbinding þess því nú allt að 42 milljónir dala eða sem jafngildir tæplega 5,2 milljörðum króna miðað við núverandi gengi. Carpenter & Company, sem íslenski fjárfestirinn Eggert Þór Dagbjartsson er hluthafi í, lagði stærstan hluta af eiginfjárframlagi sínu í hótelverkefnið á fyrstu stigum þess og fór sem dæmi með 61,5 prósenta hlut í framkvæmdinni í lok árs 2016. Í kjölfar síðustu hlutafjáraukningar í hótelinu hafa íslensku fjárfestarnir hins vegar eignast ríflegan meirihluta í verkefninu. Ef miðað er við að heildarfjárfesting Mandólíns fyrir 70 prósenta hlut í verkefninu verði 42 milljónir dala, eins og skuldbinding félagsins hljóðar upp á, munu eigendur hótelfélagsins leggja því til alls um 60 milljónir dala, jafnvirði 7,4 milljarða króna, en verkefnið er að öðru leyti fjármagnað með lánsfé. Arion banki er sem kunnugt er aðallánveitandi að verkefninu og var jafnframt meðal stærstu eigenda lóðarinnar sem lögð er undir hótelið. Stærsti hluthafi Mandólíns með helmingshlut er framtakssjóðurinn SÍA III, sem er í rekstri Stefnis, dótturfélags Arion banka, en í hluthafahópi sjóðsins eru einkum íslenskir lífeyrissjóðir og tryggingafélög. Næststærstu hluthafar Mandólíns, með 12,5 prósenta hlut hvor, eru félögin Snæból og Stormtré en fyrrnefnda félagið er í jafnri eigu hjónanna Finns Reyrs Stefánssonar og Steinunnar Jónsdóttur og það síðarnefnda í eigu Hreggviðs Jónssonar, aðaleiganda Veritas Capital. Þá fer Vitinn Reykjavík, sem er að stærstum hluta í eigu viðskiptafélaganna Jónasar Hagan Guðmundssonar og Gríms Garðarssonar, með 9,4 prósenta hlut, Almenni lífeyrissjóðurinn með 6,2 prósent, Festa lífeyrissjóður 5,4 prósent og loks heldur Feier, félag hjónanna Hjörleifs Jakobssonar og Hjördísar Ásberg, á 4,1 prósents hlut. Upphaflega stóð til að opna hótelið í fyrra en Richard L. Friedman, forstjóri og aðaleigandi Carpenter & Company, og Daniel Flannery, framkvæmdastjóri Edition-hótela Marriott, sögðu í samtali við Fréttablaðið um síðustu helgi að nú væri stefnt að opnun næsta vor. Samið hefur verið til 50 ára við Marriott Edition sem mun sjá um reksturinn. Spurður um kostnaðinn við framkvæmdirnar sagði Friedman að bygging fimm stjörnu hótela fæli í sér áskoranir og því hefðu erlendir sérfræðingar verið kallaðir til starfa með hinum íslensku. „Íslenskir verktakar hafa ekki byggt fimm stjörnu hótel áður. Það gefur augaleið. Það er allt öðruvísi en að byggja íbúðablokk eða skrifstofubyggingu. Þannig að það hefur verið áskorun,“ sagði hann. Þrátt fyrir tafir og kostnaðarauka sagðist Friedman hins vegar vera brattur. „Þegar allt kemur til alls hef ég ekki áhyggjur.“ hordur@frettabladid.is, kristinningi@frettabladid.is
Birtist í Fréttablaðinu Reykjavík Mest lesið Bankastjóri Íslandsbanka: „Ég samdi við Brynju strax á fyrsta alvöru stefnumótinu...“ Atvinnulíf Kvartanir borist vegna aflýstra flugferða Neytendur Olíuefni í Bugles sem eiga ekki að vera í snakkinu Neytendur „Þetta er ekki mjög töff en ég get ekki að þessu gert“ Atvinnulíf „Alltaf leiðindamál að lenda í svona“ Viðskipti erlent Gjaldþrotin námu 1,2 milljörðum króna Viðskipti innlent Húsið selt á 78 milljónir og Jakub þarf að reiða fram milljón Viðskipti innlent Ráðinn forstjóri Arctic Fish Viðskipti innlent „Þetta eru mjög mikil vonbrigði fyrir okkur“ Viðskipti innlent Framkvæmdastjóri í góðri æfingu með brandara og hrekki Atvinnulíf Fleiri fréttir „Þetta eru mjög mikil vonbrigði fyrir okkur“ Tekjur Haga jukust á fyrsta ársfjórðungi Bjarni Ingimar ráðinn rekstrarstjóri Avia Húsið selt á 78 milljónir og Jakub þarf að reiða fram milljón Gjaldþrotin námu 1,2 milljörðum króna Stýrivextir líklegast ekki lækkaðir aftur á þessu ári Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað Sjá meira
Bankastjóri Íslandsbanka: „Ég samdi við Brynju strax á fyrsta alvöru stefnumótinu...“ Atvinnulíf
Bankastjóri Íslandsbanka: „Ég samdi við Brynju strax á fyrsta alvöru stefnumótinu...“ Atvinnulíf