Úkraínskir lögreglumenn bana fimm ára gömlum dreng

Tveir úkraínskir lögreglumenn hafa komið fyrir dóm vegna ákæru fyrir morðið á fimm ára gömlum dreng. Frá þessu er greint á vef breska ríkisútvarpsins BBC.

Rannsóknarlögreglumenn segja að Ican Pryhodko og Vlodymyr Petrovets hafi verið drukknir á frívakt og verið að skjóta á dósir þegar ein byssukúlnanna hæfði drenginn.

Tvímenningarnir sögðu ekki orð á meðan á þingsetningunni stóð.

Andlát drengsins hefur dregið athygli almennings að störfum lögreglu sem hafa verið gagnrýnd ítrekað, sérstaklega eftir að í fyrstu tilkynning lögreglu sagði að drengurinn hafi dáið eftir að hafa dottið á stein.

Mönnunum stendur ekki til boða að losna úr gæsluvarðhaldi gegn tryggingu.

Atvikið gerðist á föstudag þegar lögreglumennirnir tveir sátu við drykkju saman

Á spítalanum var upphafleg kenning lögreglu um dánarorsök drengsins afsönnuð þegar byssukúlu brot fundust í höfði drengsins.

Lögreglustjórinn í Kiev hefur sagt af sér og kallað er nú eftir að innanríkisráðherra Úkraínu geri slíkt hið sama.