Arnar Íslandsmeistari í maraþoni fjórða árið í röð

Arnar Pétursson kom fyrstur í mark í maraþoni karla í Reykjavíkurmaraþoni Íslandsbanka 2019.

Þetta er einnig Íslandsmeistaramót í maraþoni. Þetta er fjórða árið í röð sem Arnar verður Íslandsmeistari.

Hann kom í mark á 2:23:08 sem er besti tími sem Íslendingur hefur náð í Reykjavíkurmaraþoni.

Bandaríkjamaðurinn Brian Petrocelli var annar á 2:38:20. Landi hans, Drake Vidrine, var í 3. sæti á 2:44:45.

Fjórði í maraþoninu og annar Íslendingur í mark var Sigurjón Ernir Sturluson á 2:45:40 en í 3. sæti í Íslandsmeistaramótinu var Kristján Svanur Eymundsson á 2:49:50.