Lífið

Gleðjast yfir því að fá loksins að sjá hinsegin ást í The Bachelor

Margrét Helga Erlingsdóttir skrifar
Aðdáendur raunveruleikaþáttanna ráða sér vart fyrir gleði yfir því að fá loksins að fylgjast með hinsegin ástarsambandi í þáttunum.
Aðdáendur raunveruleikaþáttanna ráða sér vart fyrir gleði yfir því að fá loksins að fylgjast með hinsegin ástarsambandi í þáttunum.
Aðdáendur raunveruleikaþáttanna The Bachelor, The Bachelorette og Bachelor in Paradise hafa í mörg ár kallað eftir því að fá að sjá raunverulegri mynd af nútíma ástarsamböndum á skjánum.

Þættirnir hafa verið gagnrýndir fyrir einsleitni og skort á fjölbreytileika. Í þáttunum séu upp til hópa hvítt, sís-kynja, ófatlað, gagnkynhneigt fólk í leit að ástinni. Það dragi upp ansi brenglaða mynd af veruleikanum sem er mun fjölbreytilegri.

Framleiðendur þáttanna koma þó til móts við kröfur aðdáendanna í nýjustu þáttaröð Bachelor in Paradise sem er eins konar hliðarafurð The Bachelor þáttanna og eru sýndir á bandarísku sjónvarpsstöðinni ABC.

Í þáttaröðinni kynna framleiðendur loksins til sögunnar tvíkynhneigða konu sem í þáttunum elskar bæði konu og karl.

Umrædd kona heitir Demi Burnett en áður en hún gekk til liðs við hina einhleypu sem taka þátt í Bachelor in Paradise var í hún ástarsambandi með konu að nafni Kristian Haggerty.

Í upphafi þáttanna fór Demi að slá sér upp með Derek Peth en hún greindi honum frá því að hún væri í reynd tvíkynhneigð. Þá er einnig talsvert talað um hinseginleika í ár og Demi leyfir áhorfendum að fylgjast með vegferð sinni sem opinberlega tvíkynhneigð kona.

 
 
 
View this post on Instagram
The one thing missing to complete a perfect weekend

A post shared by KRISTIAN HAGGERTY (@kristianhaggerty) on Apr 13, 2019 at 10:20am PDT

Demi reyndist þó í upphafi eiga erfitt uppdráttar í Mexíkó, þar sem tökur á þáttunum fara fram, en hún stóð sjálfa sig að því að hugsa öllum stundum um Kristian. Hún lét í ljós eftirsjá og söknuð og sagði Derek allt af létta.

Í stillu fyrir næstu þætti má síðan sjá endurfundi þeirra Demi og Kristian og aðdáendur þáttanna ráða sér vart fyrir gleði og segja nútímalegri efnistök löngu tímabær.

Bíó og sjónvarp Hinsegin Hollywood

Tengdar fréttir

Spáir fyrir um sigurvegara The Bacheorette

Nýjasta þáttaröðin af The Bacheorette hófst á ABC í Bandaríkjunum á dögunum en þar berjast 30 karlmenn um hjarta Hannah B sem vakti athygli í síðustu þáttaröð af The Bachelor.

Hannah Brown er tilbúin að „sleppa dýrinu lausu“

Hanna Brown telur að ástæðan fyrir því að hún hafi verið valin sé sú að hún hafi verið alveg hún sjálf, einlæg og ósvikin í 23. þáttaröðinni af The Bachelor þar sem hún og þrjátíu aðrar konur kepptu um hylli piparsveinsins Coltons Underwood.

Áhorfendur Bachelorette-þáttanna agndofa yfir lygilegum endalokum

Raunveruleikaþættirnir njóta mikilla vinsælda um allan heim en þeir eru sýndir á sjónvarpsstöðinni ABC. Í næstu viku hefst síðan Bachelor in Paradise sem er eins konar hliðararfurð þáttanna þar sem gamalkunnir þátttakendur fá annað tækifæri til að finna ástina.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.