Hamrén átti kollgátuna með Kolbein Kristinn Páll Teitsson skrifar 9. september 2019 12:00 Kolbeinn Sigþórsson lék klukkutíma þegar Ísland vann Moldóvu og ljóst er að hann er óðum að finna sitt fyrra form með landsliðinu. Fréttablaðið/Ernir Leikur Íslands og Moldóvu í undankeppni EM 2020 í knattspyrnu fór eins og best verður á kosið. Íslenska liðið vann þegar upp var staðið þægilegan sigur þar sem lykilleikmenn liðsins komu heilir frá verkefninu. Það sem gladdi stuðningsmenn íslenska liðsins ekki síst var það að Kolbeinn Sigþórsson lék í byrjunarliði í mótsleik í fyrsta skipti síðan í lokakeppni Evrópumótsins sumarið 2016. Margir fussuðu og sveiuðu þegar Erik Hamrén og Freyr Alexandersson völdu Kolbein hvað eftir annað í landsliðshópinn og gáfu honum mínútur í Þjóðadeildinni og vináttulandsleikjum á meðan Kolbeinn var úti í kuldanum hjá Nantes og svo að því er virtist í vandræðum með að finna sér nýtt félag. Leikurinn í gær sýndi og sannaði að Hamrén og Freyr voru með langtímaplan sem er að ganga upp á þessum tímapunkti. Kolbeinn braut ísinn í leiknum gegn Moldóvu á laugardaginn með snotru marki sem var það 24. á landsliðsferlinum sem setur hann tveimur mörkum frá Eiði Smára Guðjohnsen sem er á toppnum á listanum yfir markahæstu leikmenn í sögu landsliðsins. Hamrén var spurður út í stöðuna á Kolbeini á blaðamannafundi eftir sigurleikinn gegn Moldóvu. Hamrén sagðist að sjálfsögðu vera ánægður með frammistöðu Kolbeins en hrósaði þar um leið spilamennsku Jóns Daða en þeir félagar náðu vel saman í framlínunni. Svíinn vildi ekki segja af eða á um það hvort Kolbeinn yrði klár í slaginn þegar íslenska liðið sækir Albaníu heim á morgun.Spurningamerki hversu mikið Kolbeinn getur spilað Kolbeinn hefur hægt og sígandi aukið spiltíma sinn hjá sænska liðinu AIK síðan hann gekk til liðs við félagið og síðustu vikur hefur hann spilað um og yfir klukkutíma líkt og hann gerði í leiknum á móti Moldóvu. Hamrén sagði að staðan yrði tekin þegar komið væri til Albaníu hvort Kolbeinn væri klár í annan slag. Ljóst var á svörum Hamrén að það væri spurning hvort Kolbeinn gæti spilað í klukkutíma eða hálftími af varamannabekknum yrði raunin. Leikurinn við Albaníu ytra verður annars eðlis en sigurleikurinn við Moldóvu. Albaníumenn eru mun sterkari en Moldóvar og svo er munur á því að leika á heimavelli og að leika eftir ferðalag á útivöll. Það er bót í máli fyrir íslenska liðið að leikmenn leystu verkefnið á móti Moldóvum fagmannlega, komust tveimur mörkum yfir fljótlega í seinni hálfleik og gátu tekið Kolbein út af snemma, kippt Birki af velli áður en hann fékk áminningu og færi þá í leikbann og Aron Einar Gunnarsson og Gylfi Þór Sigurðsson þurftu ekki að taka á honum stóra sínum undir lok leiksins. Þá reyndi lítið sem ekkert á Hannes Þór Halldórsson og varnarlínuna utan þess að þurfa að halda einbeitingu sem reynir vissulega á andlega þáttinn. Þá fékk Emil Hallfreðsson mikilvægar mínútur til þess að koma sér í leikform fyrir leikinn gegn Albaníu. Það kæmi lítið á óvart að Hamrén og Freyr myndu fara úr leikkerfinu 4-4-2 yfir í 4-3-3 í leiknum gegn Albönum á morgun. Þar koma Emil Hallfreðsson og Rúnar Már Sigurjónsson til greina til þess að þétta raðirnar inni á miðsvæðinu. Þá fer það líklega eftir því hvort Kolbeinn er í líkamlegu formi til þess að spila í klukkutíma eða hálftíma hvort hann byrji eður ei. Það leikplan sem sett var upp í leiknum á móti Tyrklandi með Jón Daða uppi á toppi með Gylfa Þór fyrir aftan sig og Birki Bjarnason á öðrum kantinum og Arnór Ingva Traustason hinum megin kemur þá sterklega til greina. Birtist í Fréttablaðinu EM 2020 í fótbolta Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti „Hún reif í mig og hraunaði yfir mig, á Marilegan hátt“ Sport Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Aðeins einn löglegur dúkur svo Valur og FH byrja saman í Krikanum Handbolti Víkingar spila á Íslandi í dagsbirtu Fótbolti Alexander-Arnold reynir að kaupa Nantes Enski boltinn Fleiri fréttir Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Sjá meira
Leikur Íslands og Moldóvu í undankeppni EM 2020 í knattspyrnu fór eins og best verður á kosið. Íslenska liðið vann þegar upp var staðið þægilegan sigur þar sem lykilleikmenn liðsins komu heilir frá verkefninu. Það sem gladdi stuðningsmenn íslenska liðsins ekki síst var það að Kolbeinn Sigþórsson lék í byrjunarliði í mótsleik í fyrsta skipti síðan í lokakeppni Evrópumótsins sumarið 2016. Margir fussuðu og sveiuðu þegar Erik Hamrén og Freyr Alexandersson völdu Kolbein hvað eftir annað í landsliðshópinn og gáfu honum mínútur í Þjóðadeildinni og vináttulandsleikjum á meðan Kolbeinn var úti í kuldanum hjá Nantes og svo að því er virtist í vandræðum með að finna sér nýtt félag. Leikurinn í gær sýndi og sannaði að Hamrén og Freyr voru með langtímaplan sem er að ganga upp á þessum tímapunkti. Kolbeinn braut ísinn í leiknum gegn Moldóvu á laugardaginn með snotru marki sem var það 24. á landsliðsferlinum sem setur hann tveimur mörkum frá Eiði Smára Guðjohnsen sem er á toppnum á listanum yfir markahæstu leikmenn í sögu landsliðsins. Hamrén var spurður út í stöðuna á Kolbeini á blaðamannafundi eftir sigurleikinn gegn Moldóvu. Hamrén sagðist að sjálfsögðu vera ánægður með frammistöðu Kolbeins en hrósaði þar um leið spilamennsku Jóns Daða en þeir félagar náðu vel saman í framlínunni. Svíinn vildi ekki segja af eða á um það hvort Kolbeinn yrði klár í slaginn þegar íslenska liðið sækir Albaníu heim á morgun.Spurningamerki hversu mikið Kolbeinn getur spilað Kolbeinn hefur hægt og sígandi aukið spiltíma sinn hjá sænska liðinu AIK síðan hann gekk til liðs við félagið og síðustu vikur hefur hann spilað um og yfir klukkutíma líkt og hann gerði í leiknum á móti Moldóvu. Hamrén sagði að staðan yrði tekin þegar komið væri til Albaníu hvort Kolbeinn væri klár í annan slag. Ljóst var á svörum Hamrén að það væri spurning hvort Kolbeinn gæti spilað í klukkutíma eða hálftími af varamannabekknum yrði raunin. Leikurinn við Albaníu ytra verður annars eðlis en sigurleikurinn við Moldóvu. Albaníumenn eru mun sterkari en Moldóvar og svo er munur á því að leika á heimavelli og að leika eftir ferðalag á útivöll. Það er bót í máli fyrir íslenska liðið að leikmenn leystu verkefnið á móti Moldóvum fagmannlega, komust tveimur mörkum yfir fljótlega í seinni hálfleik og gátu tekið Kolbein út af snemma, kippt Birki af velli áður en hann fékk áminningu og færi þá í leikbann og Aron Einar Gunnarsson og Gylfi Þór Sigurðsson þurftu ekki að taka á honum stóra sínum undir lok leiksins. Þá reyndi lítið sem ekkert á Hannes Þór Halldórsson og varnarlínuna utan þess að þurfa að halda einbeitingu sem reynir vissulega á andlega þáttinn. Þá fékk Emil Hallfreðsson mikilvægar mínútur til þess að koma sér í leikform fyrir leikinn gegn Albaníu. Það kæmi lítið á óvart að Hamrén og Freyr myndu fara úr leikkerfinu 4-4-2 yfir í 4-3-3 í leiknum gegn Albönum á morgun. Þar koma Emil Hallfreðsson og Rúnar Már Sigurjónsson til greina til þess að þétta raðirnar inni á miðsvæðinu. Þá fer það líklega eftir því hvort Kolbeinn er í líkamlegu formi til þess að spila í klukkutíma eða hálftíma hvort hann byrji eður ei. Það leikplan sem sett var upp í leiknum á móti Tyrklandi með Jón Daða uppi á toppi með Gylfa Þór fyrir aftan sig og Birki Bjarnason á öðrum kantinum og Arnór Ingva Traustason hinum megin kemur þá sterklega til greina.
Birtist í Fréttablaðinu EM 2020 í fótbolta Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti „Hún reif í mig og hraunaði yfir mig, á Marilegan hátt“ Sport Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Aðeins einn löglegur dúkur svo Valur og FH byrja saman í Krikanum Handbolti Víkingar spila á Íslandi í dagsbirtu Fótbolti Alexander-Arnold reynir að kaupa Nantes Enski boltinn Fleiri fréttir Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Sjá meira