Fótbolti

Stelpurnar léku sér að Kasakstan og eru komnar í milliriðla

Anton Ingi Leifsson skrifar
Sveindís skoraði eitt mark í dag.
Sveindís skoraði eitt mark í dag. vísir/daníel
Íslenska kvennalandsliðið skipað leikmönnum nítján ára og yngri er komið áfram í milliriðla eftir að hafa burstað Kasakstan, 7-0.

Leikið var í Árbænum í dag en Birta Georgsdóttir kom Íslandi yfir á 5. mínútu áður en Ída María Hermannsdóttir tvöfaldaði forystuna.

Eva Rut Ástþórsdóttir skoraði þriðja markið í upphafi síðari hálfleik. Karen María Sigurgeirsdóttir skoraði fjórða markið og Sveindís Jane Jónsdóttir það fimmta.

Áður en yfir lauk bættu þær Ída María og Katla María við sitt hvoru markinu og lokatölur 7-0.

Ísland er því komið áfram í milliriðla en mætir Spáni í úrslitaleik um efsta sætið á Hlíðarenda á þriðjudag.







Fótbolti

Mest lesið


Fleiri fréttir

Sjá meira


×

Mest lesið