Solskjær: Vona að við getum stöðvað Norwich

Ole Gunnar Solskjær, stjóri Manchester United, segir að hann vonist til þess að geta stöðvað Norwich er liðin mætast í ensku úrvalsdeildinni um helgina.

United er einungis þremur stigum fyrir ofan Norwich en nýliðarnir eru næst neðstir eftir níu umferðir í enska boltanum.

Norwich hefur þó unnið Englandsmeistara Manchester City á heimavelli sínum, Carrow Road, og því segir Norðmaðurinn að leikurinn á sunnudaginn verði erfiður.

„Ég vona að við getum stöðvað þá því það er alltaf erfitt að fara niður til Carrow Road,“ sagði Solskjær eftir leikinn í gær.

„Þegar ég horfði á fyrsta leikinn og ég sá lið með mikið hugrekki. Þeir voru hugrakkir og spiluðu þeirra bolta og héldu áfram.“

"We'll need to be at our best to have a chance."

— Sky Sports Premier League (@SkySportsPL) October 25, 2019

„Það hefur gefið þeim frábær úrslit. Þeir unnu Newcastle, unnu Manchester United og þeir eru með þeirra eigin leið til að spila fótbolta.“

United vann 1-0 sigur á Partizan Belgrad í Evrópudeildinni í gær þar sem Anthony Martial skoraði sigurmarkið úr vítaspyrnu.

„Við erum tilbúnir núna. Við fórum til Belgrad og höfum fengið leikmenn til baka. Ég náði að taka Aaron Wan-Bissaka og Anthony Martial útaf eftir 60 mínútur því þeir hafa verið lengi frá.“

„Svo vonandi munum við vera ferskir því við þurfum að spila eins og best verður á kosið til þess að vinna,“ sagði Solskjær.