Pep Guardiola, stjóri Manchester City, kveðst hafa hrósað sínu liði í hástert þrátt fyrir 1-2 tap gegn erkifjendunum í Manchester United á heimavelli í stórleik dagsins í enska boltanum.
„Við töpuðum vissulega 1-2 en ég óskaði mínu liði til hamingju. Mínir leikmenn voru frábærir og við erum stórkostlegt lið,“ sagði Guardiola í leikslok.
Man Utd lág til baka í leiknum og beitti eitruðum skyndisóknum.
„Þeir eru mjög hraðir og kvikir. Stundum þegar maður tapar boltanum er mjög erfitt að eiga við þá. Við reyndum og vorum mikið á síðasta þriðjungi vallarins. Því miður kom markið okkar ekki fyrr en mjög seint og við gátum því ekki snúið þessu við,“ sagði Guardiola.
Nánast má slá því föstu að Man City muni ekki verja enska meistaratitilinn enda er liðið 16 stigum á eftir Liverpool.
„Við verðum að halda áfram. Það er enn að miklu að keppa. Þetta er erfitt því andstæðingar okkar eru á ótrúlegu skriði með 15 sigra úr 16 leikjum,“ segir Guardiola.
Guardiola: Ég óskaði mínu liði til hamingju
Tengdar fréttir
Rauð jól í Manchester
Manchester United hafði betur í grannaslagnum gegn Englandsmeisturum Manchester City.
Rashford: Hefðum átt að skora fleiri mörk
Marcus Rashford var í lykilhlutverki þegar Man Utd lagði granna sína í Man City í stórleik dagsins í enska boltanum.
Man City sendir frá sér yfirlýsingu í kjölfar kynþáttaníðs
Illa upplýstur stuðningsmaður Manchester City mun ekki fá að mæta oftar á Etihad leikvanginn eftir að hafa orðið uppvís að kynþáttaníði á grannaslag Man City og Man Utd í ensku úrvalsdeildinni í dag.
