Logi Geirs hefur góða tilfinningu fyrir EM í handbolta

Jólin eru að baki og það þýðir bara eitt. Íslenska karlalandsliðið í handbolta er að hefja lokaundirbúning sinn fyrir stórmót í handbolta. Sumir spekingar Seinni bylgjunnar eru líka orðnir spenntir.

Íslensku strákarnir hafa ekki misst af mörgum stórmótum á síðustu áratugum og fram undan er ellefta Evrópumótið í röð hjá íslenska landsliðinu. EM fer að þessu sinni fram í Noregi, Svíþjóð og Austurríki.

Logi Geirsson, sérfræðingur Seinni bylgjunnar, hefur góða tilfinningu fyrir EM í handbolta þrátt fyrir að íslenska liðið sé í gríðarlega sterkum riðli með Danmörku, Rússlandi og Ungverjalandi.

„Hef svo góða tilfinningu fyrir þessu móti, látið ykkur hlakka til,“ skrifaði Logi Geirsson á Twitter eins og sjá má hér fyrir neðan.

Handboltalandsliðið okkar byrjar fyrsta leik 11. janúar í Malmö 13.000 áhorfendur. Mætum Danmörku, Rússlandi og Ungverjum. Tvö lið fara áfram og í fyrsta skipti 24 lið á EM. Hef svo góða tilfinningu fyrir þessu móti, látið ykkur hlakka til @HSI_Iceland#handbolti#em2020

— Logi Geirsson (@logigeirsson) December 26, 2019