Hætta skipu­lagðri leit að skip­verjanum á Vopna­firði

Skipulagðri leit lögreglu að skipverjanum Axel Jósefssyni Zarioh hefur verið hætt. Áfram verður þó haldið af hálfu björgunarsveitarinnar Vopna á Vopnafirði með leit á sjó og í fjöru en dregið úr þunga þeirrar leitar og skipulagi.

Þetta kemur fram í tilkynningu frá lögreglunni á Austurlandi. Þar segir að staðan verði svo endurmetin þegar líður að næstu helgi og ákvörðun þá tekin um framhaldið.

Axel, sem er átján ára gamall, er talinn hafa fallið fyrir borð fiskiskips í Vopnafirði á mánudaginn fyrir viku.

Tugir björgunarsveitarmanna hafa tekið þátt í leitinni síðustu daga og hafa þeir komið allt frá Djúpavogi til Akureyrar.