Tveir sigrar í fyrstu tveimur leikjunum hjá Her­manni

Hermann Hreiðarsson byrjar heldur betur af krafti með 2. deildarlið Þróttar Vogum en hann hefur unnið tvo fyrstu leikina sína með félagið.

Hermann var ráðinn þjálfari liðsins fyrir rúmri viku og stýrði liðinu í sigri á Völsungi í síðustu viku. Í kvöld unnu þeir 1-0 sigur á Selfossi á heimavelli.

Njarðvík og ÍR gerðu 1-1 jafntefli í Breiðholti og Kári vann 5-0 sigur á Víði. Haukar gerðu góða ferð austur og unnu 3-0 sigur á KF og Fjarðabyggð lagði Dalvík/Reyni 1-0.

Stöðuna í deildinni má sjá hér að neðan.