Meiri meiðsli á Dönum

Danir eru að lenda í nokkrum vandræðum í undirbúningi sínum fyrir leikinn gegn Íslandi á laugardag.

Á æfingu í dag meiddist skyttan Michael Damgaard og þurfti að yfirgefa æfinguna. Hann meiddist þó ekki á skothendinni.

Óvíst er hvort þessi stórskytta sem spilar með Magdeburg geti spilað gegn Íslandi. Það væri högg fyrir Dani en Damgaard er gríðarlega öflugur og skoraði ellefu mörk í æfingaleik gegn Frökkum á dögunum.

Þrír aðrir leikmenn Dana eru einnig að glíma við meiðsli og þar á meðal Rasmus Lauge sem er algjör lykilmaður í danska liðinu.