Króatar fyrstir til að vinna Austurríkismenn á EM

Króatía vann Austurríki, 27-23, í milliriðli I á Evrópumótinu í handbolta í dag.

Króatar hafa unnið alla leiki sína á EM og eru með fjögur stig í milliriðli I, líkt og Spánverjar. Þetta var hins vegar fyrsta tap Austurríkismanna á mótinu.

Watch the Game Highlights from Croatia vs. Austria, 01/16/2020 pic.twitter.com/GKAy0hXh38

— EHF EURO (@EHFEURO) January 16, 2020

Leikurinn var jafn framan af en í stöðunni 4-4 skoraði Króatía fjögur mörk í röð og náði undirtökunum. Fimm mörkum munaði á liðunum í hálfleik, 13-8.

Það bil náði Austurríki aldrei að brúa. Austurríkismenn minnkuðu muninn nokkrum sinnum í fjögur mörk en nær komust þeir ekki.

Zlatko Horvat skoraði sex mörk fyrir Króatíu og Luka Cindric og Domagoj Duvnjak voru báðir með fimm mörk. Sá síðarnefndi átti einnig frábæran leik í króatísku vörninni.

Robert Weber var markahæstur í austrríska liðinu með sex mörk. Gerald Zeiner skoraði fjögur mörk.