Í beinni í dag: Manchester liðin í FA bikarnum og stórleikir á Ítalíu

Alls eru hvorki né minna en 13 beinar útsendingar á sportrásum Stöðvar 2 í dag.

Við byrjum daginn snemma eða klukkan 08:30 á Omega Dubai Desert Classic. Mótið er hluti af Evrópumótaröðinni. Rétt fyrir kvöldmat er svo PGA mótaröðin í beinni útsendingu en bæði mótin eru sýnd á Stöð 2 Golf. Gainbridge LPGA at Boca Rio er svo í beinni útsendingu klukkan 20:00 á Stöð 2 Sport 4.

Í ensku bikarkeppninni verða Manchester liðin í eldlínunni. Manchester City fær B-deildarlið Fulham í heimsókn klukkan 13:00. Manchester United fær svo tækifæri til að rétta úr kútnum eftir 2-0 tap gegn bæði Liverpool og Burnley nýverið. Þeir mæta Tranmere Rovers á útivelli en reikna má með erfiðum leik þar sem heimavöllur Tranmere er eitt moldarsvað þessa dagana.

Þá fara verðandi Englandsmeistarar Liverpool í heimsókn til Shrewsbury Town. Er það síðasti leikur dagsins hjá okkur í FA bikarnum.

Það er nóg um að vera í ítalska boltanum í dag. Inter Milan mætir Cagliari í fyrsta leik dagsins rétt fyrir hádegi. Þar á eftir hefst leikur Parma og Udinese áður en stórleikri dagsins hefjast.

Erkifjendurnir í Roma og Lazio mætast á Ólympíuleikvanginum í Róm klukkan 17:00. Lazio sitja í 3. sæti ítölsku úrvalsdeildarinnar með 45 stig en Roma eru sæti á eftir með sjö stigum minna. Því má reikna með hörkuleik að venju í þessum hatramma slag.

Topplið Juventus heimsækir svo Napoli í síðasta leik dagsins en gengi heimamanna hefur ekki verið sem skyldi það sem af er leiktíð. Maurizio Sarri, núverandi þjálfari Juventus, þjálfaði auðvitað Napoli áður en hann tók við Chelsea fyrir tímabilið 2018/2019.

Að lokum eru þrír leikir úr spænsku úrvalsdeildinni á dagskrá. Atletico Madrid, sem datt óvænt út úr spænska konungsbikarnum á dögunum, fær Leganes í heimsókn í fyrsta leik dagsins klukkan 11:00. Real Sociedad fær sólstrandargæana í Real Mallorca í heimsókn klukkan 15:00 og drengirnir hans Zinedine Zidane loka dagskránni með leik sínum geng Real Valladolid á útivelli.

Lista yfir beinar útsendingar á sportrásum Stöðvar 2 má sjá með því að smella hér.

Beinar útsendingar dagsins:

08:30 Omega Dubai Desert Classic, Stöð 2 Golf

10:55 Atl. Madrid - Leganes, Stöð 2 Sport 2

11:25 Inter Milan - Cagliari, Stöð 2 Sport 3

12:50 Manchester City Fulham, Stöð 2 Sport

13:55 Parma - Udinese, Stöð 2 Sport 2

14:55 Tranmere Rovers - Manchester United, Stöð 2 Sport

14:55 Real Sociedad - Real Mallorca, Stöð 2 Sport 3

16:55 Shrewsbury Town - Liverpool, Stöð 2 Sport 

16:55 Roma - Lazio, Stöð 2 Sport 2

18:00 PGA Tour 2020, Stöð 2 Golf

19:40 Napoli - Juventus, Stöð 2 Sport

19:55 Real Valladolid - Real Madrid, Stöð 2 Sport 2

20:00 Gainbridge LPGA at Boca Rio, Stöð 2 Sport 4