Bara þessir fimm Börsungar eru ekki til sölu í sumar

Það eru einungis fimm leikmenn Barcelona sem eiga fast sæti í leikmannahóp liðsins á næstu leiktíð.

Bayern Munchen niðurlægði Barcelona á föstudagskvöldið er þeir unnu 8-2 sigur í leik liðanna í átta liða úrslitum Meistaradeildarinnar.

Gerard Pique, varnarmaður liðsins, sagði eftir tapið að nú væri tími kominn á breytingar hjá félaginu og nú gæti stór hreinsun átt sér stað.

Blaðið Mundo Deportivo greina frá því að það sé einungis fimm leikmenn sem geta gengið að sætinu vísu í leikmannahópnum á næstu leiktíð.

Marc-Andre ter Stegen, Frenkie de Jong, Ansu Fati, Riqui Puig ásamt töframanninum Lionel Messi eru sagðir þeir einu sem eiga sæti í hópnum á næstu leiktíð.

Greint var frá því í gær að Lionel Messi vildi nú komast burt frá félaginu en Man. City er talið leiða kapphlaupið um Messi.

Pique og Jordi Alba eru á meðal þeirra lykilmanna sem eru sagðir geta fengið exina frá Barcelona í sumar.