Í beinni í dag: Tvíhöfði á Ásvöllum og Mílanó-slagur á San Siro

Sýnt verður beint frá tólf íþróttaviðburðum á sportrásum Stöðvar 2 í dag.

Tveir hörkuleikir fara fram í Schenker-höllinni á Ásvöllum. Haukar og Stjarnan mætast í Olís-deild kvenna og Haukar og Valur í Olís-deild karla.

Grannliðin Inter og AC Milan eigast við á San Siro. Með sigri jafnar Inter Juventus að stigum á toppi ítölsku úrvalsdeildarinnar. 

Birkir Bjarnason og félagar í Brescia taka á móti Udinese og þá verður leikur Parma og Lazio einnig sýndur beint.

Toppliðin í spænsku úrvalsdeildinni verða bæði í eldlínunni. Real Madrid sækir Osasuna heim og Barcelona mætir Real Betis. Real Madrid er með þriggja stiga forskot á Barcelona á toppi deildarinnar.

Jón Daði Böðvarsson og félagar í Millwall taka á móti toppliði West Brom í ensku B-deildinni og þá verður sýnt frá AT&T Pebble Beach Pro-Am golfmótinu.

Lista yfir beinar útsendingar á sportrásum Stöðvar 2 má sjá með því að smella hér.

Beinar útsendingar dagsins:

10:50 Espanyol - Real Mallorca, Stöð 2 Sport

12:50 Real Sociedad - Athletic Bilbao, Stöð 2 Sport 4

13:25 Millwall - West Brom, Stöð 2 Sport

13:50 Brescia - Udinese, Stöð 2 Sport 3

14:55 Osasuna - Real Madrid, Stöð 2 Sport 2

16:45 Haukar - Stjarnan, Stöð 2 Sport

16:50 Parma - Lazio, Stöð 2 Sport 3

17:20 Celta Vigo - Sevilla, Stöð 2 Sport 2

18:00 AT&T Pebble Beach Pro-Am, Stöð 2 Golf

19:15 Haukar - Valur, Stöð 2 Sport

19:35 Inter - AC Milan, Stöð 2 Sport 2

19:55 Real Betis - Barcelona, Stöð 2 Sport 3