HK gerði góða ferð til Akureyrar í Olís deild karla í dag. Unnu gestirnir úr Kópavogi fjögurra marka sigur, lokatölur 26-23.
Leikurinn var jafn framan af fyrri hálfleik en þegar rúmar tíu mínútur voru til hálfleiks höfðu gestirnir náð upp fjögurra marka forystu, staðan þá 10-6 HK í vil.
Eftir að hafa mest náð upp sex marka forystu var aftur orðinn fjögurra marka munur í hálfleik. Staðan þá 14-10 HK í vil.
Síðari hálfleikur spilaðist svipað og munurinn alltaf 4-5 mörk. Á endanum fór það svo að HK vann leikinn með þriggja marka mun, 26-23.
Hjá HK fór Blær Hinriksson á kostum en hann skoraði 12 mörk, þar af sex víti. Í markinu varði Davíð Hlíðdal Svansson 11 skot og var með 32% markvörslu. Hjá KA var Daníel Örn Griffin með átta mörk á meðan Dagur Gautason skoraði sjö mörk.
HK eru sem fyrr á botni deildarinnar, nú með fjögur stig. KA er hins vegar enn með 11 stig í 9. sætinu.
Annar sigur HK kom á Akureyri
Tengdar fréttir
Umfjöllun og viðtöl: Selfoss - ÍBV 29-36 | ÍBV með góðan sigur í Hleðsluhöllinni
Íslandsmeistarar Selfoss töpuðu óvænt fyrir grönnum sínum frá Vestmananeyjum á heimavelli í dag. Lokatölur 36-29 ÍBV í vil. Viðtöl og umfjöllun væntanleg.
