Í beinni í dag: Birkir Bjarna mætir Cristiano Ronaldo og félögum í Juventus

Það verður nóg um að vera á Stöð 2 Sport og hliðarrásum í dag. Alls verða níu beinar útsendingar en við förum frá Íslandi til Ítalíu, Spánar og Los Angeles í Bandaríkjunum.

Við byrjum daginn á leik Sevilla og Espanyol í spænsku úrvalsdeildinni. Síðan förum við til Spánar þar sem fyrrum ungstirnið Adnan Januzaj og liðsfélagar hans í Real Sociedad heimsækja hið stórskemmtilega lið Eibar. Í kjölfarið er leikur Athletic Club og Osasuna. Þá endum við daginn á stórliði Real Madrid en þeir fá léttleikandi lið Celta Vigo í heimsókn.

Real þarf á sigri að halda þar sem liðið er nú jafnt Barcelona að stigum á toppi spænsku úrvalsdeildarinnar.

Klukkan 14:00 hefst svo leikur Juventus og Brescia en Birkir Bjarnason leikur í liði Brescia. Birkir og  liðsfélagar hans fá það verðuga verkefni að stöðva sjóðheitan Cristiano Ronaldo sem hefur skorað að vild síðan Serie A snéri aftur eftir jólafrí. Brescia þarf nauðsynlega á stigum að halda en liðið er í næstneðsla sæti ítölsku úrvalsdeildarinnar með aðeins 16 stig þegar 23 umferðum er lokið.

Napoli mætir svo Cagliari á útivelli klukkan 17:00 og að lokum er stórleikur Lazio og Inter Milan eftir kvöldmat klukkan 19:45. Inter undir stjórn Antonio Conte hafa verið frábærir það sem af er vetri og ógna einokun Juventus á titlinum sem aldrei fyrr.

Þá fer einn leikur fram í Olís deild karla en ÍR heimsækir FH. Bæði lið eru með 22 stig í 4. og 5. sæti deildarinnar svo það er mikið undir í Hafnafirðinum í kvöld.

Þá erum við með eina beina útsendingu á Stöð 2 Golf en The Genesis Invitational, sem er hluti af PGA mótaröðinni, er í beinni útsendingu frá 18:00.

Allar beinar útsendingar Stöð 2 Sport og hliðarrása má sjá hér.

Beinar útsendingar dagsins:

10:50 Sevilla - Espanyol (Stöð 2 Sport)

13:50 Juventus - Brescia (Stöð 2 Sport)

14:50 Eibar - Real Sociedad (Stöð 2 Sport 2)

16:50 Cagliari - Napoli (Stöð 2 Sport)

17:20 Athletic Club - Osasuna (Stöð 2 Sport 2)

18:00 The Genesis Invitational, PGA Tour 2020 Stöð 2 Golf

19:20 FH-ÍR, Olís deild karla (Stöð 2 Sport)

19:35 Lazio - Inter Milan (Stöð 2 Sport 3)

19:55 Real Madrid - Celta Vigo (Stöð 2 Sport 2)