Uppselt á leikinn gegn Rúmeníu

Uppselt er á leik Íslands og Rúmeníu í umspili fyrir Evrópumótið 2020 í fótbolta karla. Leikurinn fer fram á Laugardalsvelli fimmtudaginn 26. mars.

Uppselt er á leik Íslands og Rúmeníu í umspili fyrir EM 2020 pic.twitter.com/kDpOwqMoKw

— Knattspyrnusambandið (@footballiceland) March 2, 2020

Almenn miðasala á leikinn hófst á hádegi í dag og ruku miðarnir út.

Sigurvegarinn í leik Íslands og Rúmeníu mætir annað hvort Búlgaríu eða Ungverjalandi í hreinum úrslitaleik um sæti á EM 31. mars.

Ísland er því tveimur sigrum frá því að komast á annað Evrópumótið og þriðja stórmótið í röð.

Leikur Íslands og Rúmeníu verður sýndur í beinni útsendingu á Stöð 2 Sport.