Byrjaði á bekknum en svaraði með stæl: Sjáðu mörkin og snilldar „stoð­sendingu“ Messi

Lionel Messi byrjaði á bekknum hjá Barcelona í dag en var skipt inn á í hálfleik er Barcelona mætti Real Betis í dag.

Það kom mörgum á óvart sem kíktu á byrjunarlið Börsunga í dag er þeir sáu argentínska snillinginn á bekknum.

Staðan var 1-1 í hálfleik þegar hann var kallaður á vettvang og hann átti þátt í öðru markinu sem Antoine Griezmann skoraði.

Hann skoraði svo þriðja markið úr vítaspyrnu og fjórða markið úr opnum leik. Öll mörkin úr leiknum má sjá hér að neðan.