Heitustu orðrómarnir úr Dominos-deild karla

Dominos Körfuboltakvöld hefur haldið áfram að rúlla þrátt fyrir að það sé rúmur mánuður frá því að keppnistímabilið og allt mótahald innan vébanda KKÍ var blásið af vegna kórónuveirunnar.

Kjartan Atli Kjartansson, Teitur Örygsson og Benedikt Guðmundsson voru í settinu í gær og fóru yfir tímabilið sem nú er lokið, möguleika Tindastóls með Nick Tomsick og þau tíðindi sem hafa gerst eftir að tímabilinu lauk.

Undir lok þáttarins fóru þeir yfir möguleg félagaskipti og þá orðróma sem hafa verið á götunni. Er Kristófer Acox að fara frá KR? Fer Craion á Sauðárkrók? Er Sigurður Gunnar Þorsteinsson að fara til nýliða Hattar? Alla umræðuna má sjá hér að neðan.