Enn skorar Suarez og tíu stiga forskot At­letico

Luis Suarez hefur raðað inn mörkum eftir skiptin til Atletico og hann hélt uppteknum hætti í dag.

Hann kom Atletico yfir á 28. mínútu en sjö mínútum síðar jafnaði Alvaro Negredo metin. Saul Niguez kom Atletico þó aftur yfir hlé.

Suarez bætti við öðru marki sínu og þriðja marki Atletico á fimmtu mínútu síðari hálfleiks en Alvaro Negredo minnkaði muninn á 71. mínútu.

Koke bætti þó við fjórða marki Atletico á 88. mínútu og lokatölur 4-2.

Atletico er með fimmtíu stig á toppi deildarinnar og á einn leik til góða á Real Madrid sem er í öðru sætinu með fjörutíu stig.

Cadiz er í þrettánda sætinu.

Spænski boltinn, La Liga, er á Stöð 2 Sport en upplýsingar um útsendingar má finna hér. La Liga er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.