Viðskipti innlent

Frá Vinstri grænum og til Bænda­sam­takanna

Atli Ísleifsson skrifar
Kári Gautason hefur frá árinu 2018 starfað sem framkvæmdastjóri þingflokks Vinstri grænna.
Kári Gautason hefur frá árinu 2018 starfað sem framkvæmdastjóri þingflokks Vinstri grænna. Bændasamtökin

Kári Gautason hefur verið ráðinn til Bændasamtaka Íslands þar sem hann mun koma að úrvinnslu og greiningu hagtalna landbúnaðarins, ásamt því að koma að hagrænum greiningum sem tengjast umhverfis-, loftlagsmálum, fæðuöryggi og tryggingamálum.

Kári hefur frá árinu 2018 starfað sem framkvæmdastjóri þingflokks Vinstri grænna.

Í tilkynningu á vef Bændasamtakanna kemur fram að Kári sé uppalinn í Engihlíð í Vopnafirði.

„Hjá þingflokki VG var hann til ráðgjafar fyrir þingmenn, sérstaklega í málum fjárlaganefndar og atvinnuveganefndar þingsins. Þar áður var Kári í sérverkefnum hjá Ráðgjafarmiðstöð landbúnaðarins (RML) við endurmat á ræktunarstarfi í mjólkurframleiðslu.

Kári hefur einnig reynslu af búskap úr Vopnafirði, en þar vann hann við loðdýrarækt og mjólkurframleiðslu, samhliða ráðgjafastarfi í ræktun og skýrsluhaldi loðdýra hjá RML.

Ásamt því að vera með búvísindagráðu frá Landbúnaðarháskólanum er Kári með meistaragráðu frá Árósarháskóla í Danmörku í búfjárerfðafræði. Lokaverkefni hans snérist um að meta hagrænt gildi þess að taka upp erfðamengisúrval í loðdýrarækt.

Kári hefur hafið störf,“ segir í tilkynningunni.

Vistaskipti Alþingi Vinstri græn Landbúnaður


Mest lesið


Fleiri fréttir

Sjá meira


×

Mest lesið