Fékk rúmlega sex milljóna króna sekt og bann fyrir gyðingahatur

Leonard lét ummælin falla þegar hann streymdi beint frá sjálfum sér að spila tölvuleikinn vinsæla Call of Duty á mánudaginn.

Miami Heat fordæmdi ummæli Leonards og hann baðst seinna afsökunar á þeim. Leonard má ekkert vera viðloðandi lið Miami næstu vikuna.

Leonard lék aðeins þrjá leiki með Miami áður en hann meiddist illa á öxl. Ljóst er að þau meiðsli halda honum frá keppni út tímabilið.

Leonard hefur mikinn áhuga á tölvuleikjum og er með mörg þúsund fylgjendur á Twitch streymissíðunni þar sem fólk fylgist með honum spila.

Eftir að hann lét ummælin falla í vikunni hafa fjölmörg tölvuleikjafyrirtæki slitið samstarfi sínu við hann.

Leonard, sem er 29 ára, kom til Miami frá Portland Trail Blazers. Hann var í liði Miami sem komst í úrslit NBA á síðasta tímabili.

NBA er á Stöð 2 Sport en upplýsingar um útsendingar má finna hér. NBA körfuboltinn er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.