Innlent

Stal bangsa í verslun í miðborginni

Hólmfríður Gísladóttir skrifar
Vísir/Vilhelm

Lögreglan á höfuðborgarsvæðinu hafði afskipti af manni í gærkvöldi sem grunaður er um að hafa stolið litlum bangsa úr verslun í miðborginni. Í yfirliti lögreglu yfir verkefni kvöldsins er maðurinn sagður hafa afhent bangsann þegar lögreglu bar að garði.

Þá var tilkynnt um eld í íbúðarhúsnæði í póstnúmerinu 110 rétt fyrir klukkan 20. Íbúðin er sögð töluvert skemmd en engin slys urðu á fólki.

Lögregla stöðvaði ökumann bifreiðar í hverfi 210 upp úr miðnætti en sá reyndist á 119 km/klst þar sem hámarkshraði er 80 km/klst. Ökumaðurinn var aðeins 17 ára og var málið afgreitt með forráðamanni.

Tveir voru stöðvaðir grunaðir um akstur undir áhrifum fíkniefna. Í öðru tilvikunu var ökumaðurinn enn á nagladekkjum og öryggisbúnaður ekki í lagi.

Lögreglumál Reykjavík

Mest lesið


Fleiri fréttir

Sjá meira


×

Mest lesið