Segir Ísak Berg­mann líkt og 25 ára leik­mann en ekki að­eins 18 ára

Hinn 18 ára gamli Ísak Bergmann Jóhannesson byrjaði inn á gegn bæði Norður-Makedóníu og Þýskalandi í þessu landsliðsverkefni. Honum óx ás megin eftir því sem leið á leikina og var með betri leikönnum Íslands gegn annars ógnarsterku liði Þýskalands. Arnar Þór hrósaði honum í hástert er hann ræddi við blaðamenn.

„Ísak Bergmann er kominn hvað lengst á veg hvað er varðar spiltíma og leiki hjá sínu félagsliði af yngri leik­mönnum liðsins. Hann er með reynslu úr efstu deild í Svíþjóð og færði sig svo nú fyrir skemmstu yfir í efstu deild Danmerkur.“

„Ungir leikmenn liðsins eru ekki komnir á þann stað að við getum sagt að þeir séu geggjaðir A-landsliðsmenn en þeir verða hins vegar að fá þessa leiki til að geta tekið næsta skref.“

„Ísak Bergmann hefur ótrúlegan leikskilning, að því leytinu til er hann ekki 18 ára gamall heldur 25 ára. Það vantar vissulega aðeins upp á kraft og styrk en hann er klárlega einn af okkar efnilegustu leikmönnum og kominn mjög langt miðað við aldur.“

„Ég veit upp á hár hvert ég vil ná þessum strák og öllum hinum yngri leikmönnum liðsins en það er mjög mikilvægt fyrir þá að hafa eldri leikmennina með sér,“ sagði Arnar Þór Viðarsson að lokum við blaðamenn.