Fótbolti

Börnum og ungmennum boðið frítt á landsleik Íslands á morgun

Arnar Geir Halldórsson skrifar
Það voru mörg auð sæti á Laugardalsvelli á föstudag.
Það voru mörg auð sæti á Laugardalsvelli á föstudag. Vísir/Jónína Guðbjörg

Knattspyrnusamband Íslands býður börnum og ungmennum, 16 ára og yngri, á völlinn á leik Íslands og Liechtenstein í undankeppni HM sem fram fer á Laugardalsvelli á morgun.

Þetta kemur fram í tilkynningu frá sambandinu nú rétt í þessu.

Þar þakkar KSÍ jafnframt þeim sem mættu á leik Íslands og Armeníu síðastliðinn föstudag en mætingin á völlinn var ein sú versta sem sést hefur í langan tíma hjá A-landsliði karla.

Í tilkynningu KSÍ segir að með þessu vilji sambandið reyna að fjölga fólki í stúkunni og koma til móts við stuðningsmenn til að tryggja að leikmenn íslenska liðsins fái sem besta hvatningu úr stúkunni, eins og þeir eigi skilið.

HM 2022 í Katar Íslenski boltinn

Tengdar fréttir

Mest lesið


Fleiri fréttir

Sjá meira


×

Mest lesið