Segir tíma til kominn að skila frelsinu aftur til fólksins

Vara­for­maður Sjálf­stæðis­flokksins og frá­farandi ráð­herra segir tíma­bært að af­létta þeim tak­mörkunum sem lands­menn hafa þurft að sæta síðast­liðið eitt og hálft ár vegna Co­vid. Sótt­varna­læknir segist senni­lega munu skila minnis­blaði til ráð­herra á mánu­dag.

Þór­dís Kol­brún Reyk­fjörð Gylfa­dóttir, vara­for­maður Sjálf­stæðis­flokksins, segir það orðið ansi erfitt að færa rök fyrir því að það sé enn til­efni til að skerða réttindi fólks vegna kórónu­veirufar­aldursins en þetta kom fram í að­sendri grein hennar í Morgun­blaðinu. 

Hún bætist því í hóp annarra ráðherra úr fráfarandi ríkisstjórn sem talað hafa fyrir afléttingu samkomutakmarkanna.

Þórdís segir tíma­bært að af­létta sam­komu­tak­mörkunum í ljósi stöðu far­aldursins hér á landi. „Staða okkar hér er með þeim hætti að við höfum alla burði og allar for­sendur til að snúa bara til baka til eðli­legs lífs að öllu leiti,“ segir Þór­dís í sam­tali við frétta­stofu.

„Við þurftum í ein­hverjum skilningi að fá frelsi fólks að láni í þágu al­manna­hags, og það kom aldrei neitt annað til greina en að skila því aftur og nú er sá tími ein­fald­lega kominn,“ segir Þór­dís enn fremur.

Vill sjá skrefið tekið til fulls

Nú­verandi reglu­gerð um sam­komu­tak­markanir gildir út næst­komandi mið­viku­dag en þar er meðal annars kveðið á um 500 manna sam­komu­bann, með mögu­leika á 1500 manna sam­komum með notkun hrað­prófa, eins metra reglu, og grímu­notkun innan­dyra þar sem ekki er hægt að tryggja fjar­lægð.

Sjálf myndi Þórdís vilja sjá skrefið tekið til fulls, þannig að öllum tak­mörkunum yrði af­létt, en þó væri á­fram hægt að beina á­kveðnum til­mælum til fólks, til að mynda varðandi grímu­notkun, þar sem hún segir fólk full­fært um að taka á­byrgð á sjálfum sér.

Að­spurð um hvort hún geri ráð fyrir að öllu verði af­létt segir hún það eiga eftir að koma í ljós en ljóst sé að eitt­hvað þurfi að gera. 

„Verk­efni okkar stjórn­valda er tölu­vert flóknara heldur en það sem sótt­varna­yfir­völdum er falið og ég er svona að vona að það sé komið meira rými fyrir þá um­ræðu. Það eru annars konar af­leiðingar líka af þessum tak­mörkunum,“ segir Þór­dís og vísar þar til að mynda til á­hrifa á at­vinnu­starf­semi, ungt fólk, og fólk í fé­lags­legri við­kvæmri stöðu.

„Við þurfum að hafa kjark til að horfa á það allt í heildar­sam­hengi, það er okkar hlut­verk og þess vegna vona ég að við séum að fara að taka skref í sam­ræmi við það,“ segir Þór­dís að lokum Ég vona að við séum að fara að horfa fram á tíma þar sem við getum sagt að við höfum skilað þessu frelsi sem við tókum að láni af fólki í þágu al­manna­hags.“