Lífið

Eurovision-myndin um Hatara aftur í bíósal

Sylvía Rut Sigfúsdóttir skrifar
Hatarar á sviði.
Hatarar á sviði. vísir/getty

A Song Called Hate eða Lagið um hatrið, heimildarmyndin sem fylgir meðlimum Hatara á Eurovision-ferð til Ísrael og Palestínu, verður sýnd á hátíðlegri styrktarsýningu í Bíó Paradís um helgina.

Sýningin fer fram sunnudaginn 7. nóvember klukkan 20. Allur ágóði af sýningu Lagsins um hatrið rennur óskiptur til Sabreen, menningar samtaka sem reka hljóðver í Sheikh Jarrah-hverfinu í Austur-Jerúsalem. 

„Markmið Sabreen er að stuðla að óheftri tónlistarsköpun og tónlistaruppeldi Palestínumanna. Fjárhagsstaða þeirra hefur verið tvísýn í veirufaraldri svo ekki séu nefndar takmarkanir sem hamla samstarf milli Palestínumanna í Jerúsalem, Vesturbakkanum og Gaza. Í fjörutíu ára sögu samtakanna hefur þörfin sjaldan verið eins brýn,“ segir í tilkynningu um sýninguna.

„Við kynntumst mikið af listafólki í gegnum Sabreen-stúdíóið sem við heimsóttum við gerð myndarinnar. Þarna er unnið magnað starf sem veitir ungum listamönnum tækifæri til að stíga sín fyrstu skref. Það er pabbi Bashar, Said Murad, sem leiðir þetta starf. Stuðningur hans við frumlegar og róttækar hugmyndir er ómetanlegur,” segir Anna Hildur Hildibrandsdóttir leikstjóri myndarinnar.

Anna Hildur Hildibrandsdóttir á frumsýningu myndarinnar á Íslandi.HAFSTEINN SNÆR ÞORSTEINSSON

Þarna skildu þeir tilganginn

Lagið um hatrið hefur farið sigurför síðan hún var frumsýnd árið 2020. Myndin hefur verið sýnd á yfir tuttugu alþjóðlegum hátíðum og var nú síðast nefnd heimildarmynd ársins á Eddunni. Við sjáum margt sem gerðist á bak við tjöldin og ekki síst listrænt samstarf Hatara við Bashar Murad og forsvarsmenn Trashy Clothing í Palestínu sem unnu með þeim. Í myndinni kemur fram hversu flókið slíkt samstarf getur verið í þeim aðstæðum sem Palestínumenn búa við.

„Fréttir frá Sheikh Jarrah hafa verið átakanlegar og Bashar hefur verið í miðri hringiðunni allan tímann. Við fögnum því að heimildarmyndin leggi Sabreen-samtökunum lið með svona bíósýningu“ segir Matthías Tryggvi Haraldsson söngvari Hatara.  

„Sabreen kemur óbeint við sögu í myndinni. Þótt það sé ekki aðalatriðið eiga þessi samtök stóran hluta í okkar huga og þarna skildum við betur tilganginn með vegferð okkar,“ segir Klemens Hannigan Nikulásson.

Styrktarsýningin er skipulögð af framleiðslufyrirtæki myndarinnar Tattarrattat í samstarfi við Hatara, Sabreen-samtökin og Bíó Paradís.

Kvikmyndagerð á Íslandi Eurovision Bíó og sjónvarp

Tengdar fréttir

Edduverðlaunin 2021 afhent: Gullregn sigurvegari kvöldsins

Edduverðlaunin 2021, uppskeruhátíð íslenska sjónvarps- og kvikmyndaiðnaðarins sem ÍKSA stendur fyrir voru veitt í kvöld. Annað árið í röð var ákveðið að fresta hátíðarhöldum og voru verðlaunin veitt í sérstökum þætti á RÚV.

Hatrið sigraði á norskri kvikmyndahátíð

Heimildarmyndin A Song called Hate bar sigur úr býtum á norsku kvikmyndahátíðinni Oslo Grand Pix sem fór fram um helgina. Myndin sigraði í flokknum besta norræna heimildarmyndin.

Sagði Hataramyndina A Song Called Hate þá bestu á hátíðinni

„Þessi íslenska mynd sem fjallar um ákvörðun íslensku hljómsveitarinnar í Eurovision 2019 að veifa palestínska fánanum talaði sterkast til mín,“ sagði Lisa Enroth aðspurð um bestu myndir kvikmyndahátíðarinnar Í Gautaborg.

Stjörnurnar mættu á Hatrið

Heimildamyndin A Song Called Hate, Hatrið á íslensku, var forsýnd með pompi og prakt í Háskólabíói í gærkvöld og mættu þónokkuð margir á sýninguna. Myndin segir frá Eurovisiongjörningi Hatara árið 2019 og því sem gerðist á bak við tjöldin í Ísrael og Palestínu.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.