Þingkona varð fyrir vopnuðu ráni

Scanlon var að ganga að bíl sínum þegar tveir menn, sem taldir eru á þrítugsaldri, gengu að henni. Þeir beindu byssum að henni og rændu einnig símum þingkonunnar, veski og öðrum eigum hennar. Scanlon sakaði ekki í ráninu.

Scanlon er Demókrati og hefur verið á þingi frá 2018. Fíladelfía er innan kjördæmis hennar.

Fimm hafa verið handteknir vegna ránsins en samkvæmt frétt Reuters voru þeir gómaðir í bíl Scanlon. Lögreglan vinnur að rannsókn málsins í samvinnu við Alríkislögreglu Bandaríkjanna, en þar sem Scanlon er starfandi þingkona er rannsóknin á höndum FBI.

Lögreglan hefur ekki veitt frekari upplýsingar að öðru leyti en að málið sé í rannsókn.