„Sumir kyngdu því aldrei og töluðu bara við strákana“

„Ég held að þetta sé töluvert skárra þegar þú kemur inn í skólanna, þetta er mikið breytt þar. En við erum allar að upplifa þetta á vinnustöðunum og í umhverfinu. “

Birtingarmyndin eru athugasemdir og framkoma frá öðrum.  Margrét ræddi konur í iðngreinum í Bítinu á Bylgjunni í dag ásamt Sóley Rut Jóhannsdóttur húsgagna- og húsasmíðameistara.

Sóley segir að hún hafi fengið að heyra athugasemdir eins og 

„Ertu smiður? Kanntu þetta? “

Ekki eins mikið starað í verslunum

Þær segja þó að margir fagni því að sjá konur í þessum starfsgreinum. Því miður sé það ekki alltaf viðhorfið. Margrét nefnir sem dæmi að þegar hún var yfir rafvirkjateymi í ákveðnu verkefni voru samt einhverjir sem áttu erfitt að sætta sig við það töluðu frekar við karlana í teyminu í stað þess að tala við hana. 

„Sumir kyngdu því aldrei og töluðu bara við strákana.“

Sóley segir að þetta sé þó allt að breytast í rétta átt og hafi breyst mikið síðan þær byrjuðu að starfa við þessar iðngreinar. Þetta sjái hún til dæmis í byggingavöruverslunum, sem hún fer reglulega í starfsins vegna.

„Það var einu sinni ekki hægt að labba inn öðruvísi en að það væri hver einasti maður að stara.“ 

Viðtalið má heyra í spilaranum  hér fyrir neðan.