Fótbolti

Valencia áfram í úrslit Copa Del Rey

Atli Arason skrifar
Goncalo Guedes skoraði mark Valencia.
Goncalo Guedes skoraði mark Valencia. VÍSIR/GETTY

Valencia er komið áfram í úrslitaleik Copa Del Rey á Spáni eftir 1-0 sigur á Athletic Bilbao í síðari viðureign liðanna í undanúrslitum keppninnar.

Goncalo Guedes gerði eina mark leiksins á 43. mínútu og Valencia fer áfram eftir 2-1 samanlögð úrslit.

Real Betis og Rayo Vallecano mætast á morgun í hinum undanúrslitaleiknum en Betis fer með 2-1 forystu inn í þann leik.

Það var einn leikur á dagskrá í spænsku La Liga deildinni í kvöld þar sem Real Sociedad vann 0-2 sigur á Mallorca á útivelli. David Silva og Mikel Merino gerðu mörk Sociedad sem er nú í sjötta sæti deildarinnar með 44 stig eftir 26 leiki á meðan Mallorca eru í 16. sæti með 26 stig eftir jafn marga leiki.

Spænski boltinn

Mest lesið


Fleiri fréttir

Sjá meira


×

Mest lesið