Vill 27 milljónir frá ríkinu vegna forstjóraskipunar

Greint er frá þessu í Fréttablaðinu í morgun en Guðrún, sem starfaði sem framkvæmdastjóri stofnunarinnar um tíma, var ein metin hæf í forstjórastöðuna. Ráðherra stöðvaði ráðningarferlið, auglýsti aftur og skipaði annan einstakling, sem Guðrún telur ólögmæta ákvörðun. 

Guðrún stefnir bæði Bjarna Benediktssyni fjármálaráðherra og Guðmundi Inga Guðbrandssyni félagsmálaráðherra vegna málsins.

Fréttablaðið hefur upp úr stefnu Guðrúnar að með því að líta fram hjá henni við skipunina hafi staða hennar, menntun, starfsferill og reynsla verið sniðgengin á „einkar niðurlægjandi hátt og verið höfð að engu.“