Innlent

Lagði eigin íbúð í Hlíðunum í rúst

Atli Ísleifsson skrifar
Maðurinn var handtekinn.
Maðurinn var handtekinn. Vísir/Vilhelm

Lögreglan á höfuðborgarsvæðinu hafði afskipti af manni í gærkvöldi rétt fyrir miðnættið en hann hafði brotið hurð að eigin íbúð í Hlíðunum í Reykjavík og lagt þar allt í rúst.

Í dagbók lögreglu segir að maðurinn hafi verið handtekinn og vistaður í fangaklefa sökum ástands að sögn lögreglu.

Fyrr um kvöldið hafði lögregla afskipti af tveimur konum í annarlegu ástandi í miðbænum. Þær sátu í kyrrstæðum bíl sem hafði verið lagt í stæði og voru ung börn einnig í bílnum. 

Konurnar og börnin voru flutt á lögreglustöð þar sem fulltrúi frá Barnavernd vann málið með lögreglu.

Lögreglumál Reykjavík

Mest lesið


Fleiri fréttir

Sjá meira


×

Mest lesið