Ég á þig, ég má þig! Jenný K. Valberg skrifar 4. maí 2022 15:30 TW. Textinn inniheldur efni og lýsingar sem er ekki fyrir viðkvæma. Um kynferðislegt ofbeldi í nánum samböndum . Flest höfum við einhverjar hugmyndir um hvað kynferðislegt ofbeldi er. Við lesum lýsingar kvenna sem hafa orðið fyrir kynferðislegu ofbeldi á vinnustöðum, skemmtistöðum og í heimapartýjum svo eitthvað sé nefnt. Fæst okkar áttum okkur þó á því gríðarlega mikla og alvarlega kynferðislega ofbeldi sem á sér oft stað innan veggja heimilisins. Þar sem menn beita markvissu og alvarlegu ofbeldi í skjóli þeirrar friðhelgi sem heimilið á að vera. Í nafni húsbóndavalds eða sjálfskipaðs makaréttar sem sá sem ofbeldi beitir, tekur. Þegar kona sem býr við ofbeldi kemur heim, opnar útidyrahurðina, fer úr yfirhöfn og skóm, leggur frá sér lykla og síma og gengur inn er hún ekki að koma heim í öryggi. Þau sem verða fyrir ofbeldi í nánum samböndum lýsa flestir því sama, það er að þær hitta menn sem í upphafi sambands virðast heilbrigðir og góðir einstaklingar en eftir skamman tíma fer að bera á brestum. Og vegna þess að þeir hafa verið svo frábærir í byrjun þá er auðvelt að hunsa rauðu flöggin sem birtast, sérstaklega þar sem þeir eru mjög sannfærandi þegar þeir réttlæta hegðun sína og einnig vegna þess að þeir kenna þolanda sínum um það sem fór úrskeiðis og afsaka og réttlæta þar með gjörðir sínar. Ofbeldissambönd hefjast yfirleitt á því að sá sem beitir ofbeldi byrjar stýringu og stjórn með andlegu ofbeldi, þar sem hann fær hinn aðilann til að verða óöruggan um sína framkomu og hegðun en síðar bætast svo jafnvel fleiri birtingarmyndir ofbeldis við. Að nuða, suða og pressa Algengasta birtingarmynd kynferðislegs ofbeldis í nánum samböndum er það sem hefur verið kallað að „nuða, suða og pressa“. Þá býr sá sem er með ofbeldishegðunina til kröfu um kynlíf sem er oft eitthvað á þessa leið „þú ert nú kærastan/konan mín“, „það er nú eitthvað skrítið að maður megi ekki neitt heima hjá sér“. „Viltu í alvöru að ég fari eitthvað annað“? „Er eitthvað að þér?“ „Þú ert ALDREI í stuði“. Markmiðið er að fá þolandann til að upplifa að kynlíf sé sjálfsagður réttur karls í sambandi og að konum sé skylt að veita þessa þjónustu. Til að styrkja hlýðni kvenna í þessum aðstæðum nota menn andlegt ofbeldi á borð við fýlustjórnun, reiði og/eða ógnarstjórn og stundum aðrar birtingarmyndir til að fá sínu fram. Og algengt er að þolandi hætti að reyna að standa með sér og meti aðstæður þannig að auðveldara sé að láta undan fremur en að eiga á hættu að gerandinn beiti frekara ofbeldi. Að nuða, suða og pressa um mörk, allir einstaklingar hafa persónuleg mörk sem eru þeirra innri áttaviti í gegnum lífið, þetta eru gildin okkar sem manneskjur og mörkin okkar. Þau endurspegla hver við erum og hvað við viljum. Í ofbeldissamböndum getur reynst ómögulegt að halda persónulegum mörkum því aðilinn sem er með ofbeldishegðunina raðar ávallt markmiðum sínum ofar velferð brotaþolans og notar oft andlegt ofbeldi á borð við eftirfarandi setningar til að ryðja veginn „Heldurðu að ég myndi nokkurn tímann meiða þig“? „Treystir þú mér ekki“?, „Þú ert svo mikil tepra“, „Mætti halda að þú hafir verið misnotuð!“ „Ertu ekki með neitt ímyndunarafl“? „Ég veit ekki hvort ég muni endast í sambandi með manneskju sem er ALDREI til í að gera neitt nýtt og „“spennandi““. Sumir gerendur í ofbeldissamböndum setja einnig fram reglur í sambandinu. Dæmi um þetta er „kynlífsdagatalið“ en þá telja þeir sig hafa rétt á líkömum maka síns í ákveðið mörg skipti yfir ákveðið tímabil. Þeir koma fram við maka sína eins og þær séu viðföng sem eigi að veita kynlíf með a.m.k. ákveðnu millibili og ef þær geti ekki orðið við því þá séu þær komnar í líkamlega skuld við maka sinn. Og oftast sér þolandi ekki aðra kosti en að gefa eftir til að losna við fýlu- og reiðistjórnun eða aðrar birtingamyndir ofbeldis. Oft er þannig einfaldara að gefa hreinlega eftir en að „taka slaginn“ því oftar en ekki þarf þolandinn hreinlega á því að halda að geta farið að sofa til að geta sinnt öðrum daglegum skyldum sínum, eins og börnum, vinnu og skóla. Og áfram halda þeir oft og sumir búa það til að þolandi sé í líkamlegri skuld ef þær ætla að eiga einhverjar stundir fyrir sig sjálfar „Ætlarðu út að hitta vinkonur? Ég ætla þá að fylla á tankinn hjá þér áður en þú ferð út“. Eða, „Ég vil þá fá kynlíf um leið og þú kemur heim“. Stigmögnun í kynferðislegu ofbeldi er oft á þann veg að gerandi vill að þolandi fari að taka þátt í athöfnum með öðrum utan sambandsins. Annaðhvort með því að fara fram á að bæta þriðja aðila við í kynlífsathöfnum eða að fara fram á að þolandi sæki nektar og/eða kynlífsstaði, „hvað, er ekki allt í lagi að kíkja á nektar klúbba eða „swing“ klúbba, það þarf ekki að gera neitt!“ eða „í alvöru, við erum komin hingað, ætlar þú að gera okkur að fífli? Allir eru að taka þátt nema þú“. Eða „mér finnst kynlífið okkar svo geggjað og ég vil ekki að það fari að verða leiðinlegt“. Enn og aftur á þolandi erfitt með að neita án þess að það skapist fýla og spenna. Meginmálið er að ef þú færð ekki hreint svar um samþykki þá er svarið nei! „Hmm, leyfðu mér að hugsa“ þýðir í raun nei. „Já þú meinar, ég veit ekki alveg“ þýðir í raun nei. „Kannski seinna“ þýðir í raun nei. „Skoðum málið“ þýðir í raun nei. Allt sem er ekki JÁ, er nei! Í öllum framangreindum tilvikum liggur ekki fyrir samþykki konunnar. Líkami konunnar er „eign“ karlsins og hún hefur engan möguleika á að stöðva ofbeldið þar sem það myndi einungis gera hana útsettari fyrir öðrum birtingarmyndum ofbeldis. Það þarf vissulega ekki að fjölyrða um hversu alvarleg áhrif ofbeldi getur haft á líf þeirra einstaklinga sem fyrir því verða. Vanvirðing gagnvart konum er í þessum tilvikum algjört, konur eru ekki kynlífstæki með púls sem eiga vera til taks 24/7 til að þjónusta karla. Ef þú telur þig búa við ofbeldi í nánu sambandi getur þú haft samband við Bjarkarhlíð, Kvennaathvarfið, Bjarmahlíð og Aflið á Akureyri, Sigurhæðir á Selfossi og Stígamót fyrir þolendur kynferðisofbeldis. Höfundur er kynjafræðingur og ráðgjafi hjá Bjarkarhlíð. Greinin er sú fyrri grein af tveimur, en sú síðari mun birtast á Vísi á næstu dögum. Viltu birta grein á Vísi? Sendu okkur póst. Senda grein Heimilisofbeldi Kynferðisofbeldi Mest lesið Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir Skoðun Skapandi menntun skilar raunverulegum árangri Bryngeir Valdimarsson Skoðun Sex ára sáttmáli Davíð Þorláksson Skoðun Heiðursgestur Viðreisnar vill heimsveldi Hjörtur J. Guðmundsson Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun Styrkjum stöðu leigjenda Kristján Þórður Snæbjarnarson Skoðun Skoðun Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar Skoðun Skapandi menntun skilar raunverulegum árangri Bryngeir Valdimarsson skrifar Skoðun Sex ára sáttmáli Davíð Þorláksson skrifar Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir skrifar Skoðun Stjórnendur sem mega ekki stjórna Stefán Vagn Stefánsson skrifar Skoðun Stokkhólmseinkenni sem við ættum að forðast Aðalsteinn Júlíus Magnússon skrifar Skoðun Eflum iðnlöggjöfina og stöðvum brotin Hilmar Harðarson skrifar Skoðun Pjattkratar taka til Þorsteinn Sæmundsson skrifar Skoðun Sumt er bara ekki hægt að rökræða Ása Lind Finnbogadóttir skrifar Skoðun Vaxtamunarviðskipti láta aftur á sér kræla Jökull Sólberg Auðunsson skrifar Skoðun Áskorun til ríkisstjórnarinnar: Innleiðum birgðaskyldu á eldsneyti Halla Hrund Logadóttir skrifar Skoðun Rétt skal vera rétt um gatnamót við Höfðabakka og Bæjarháls Dóra Björt Guðjónsdóttir skrifar Skoðun Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir skrifar Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir skrifar Skoðun NATO riðar til falls en hvað þýðir það fyrir skilnaðarbarnið Ísland? Steinunn Ólína Þorsteinsdóttir skrifar Skoðun Græðgin í forgrunni Kolbrún Áslaugar Baldursdóttir skrifar Skoðun Greiningar eða lausnir – hvort vegur þyngra? Sigurður Árni Reynisson skrifar Skoðun Sterk staða Hafnarfjarðar Orri Björnsson skrifar Skoðun Bless bless jafnlaunavottun Sigríður Margrét Oddsdóttir skrifar Skoðun Miðstýrt skólakerfi eða fjölbreytni með samræmdu gæðamati? Bogi Ragnarsson skrifar Skoðun Heiðursgestur Viðreisnar vill heimsveldi Hjörtur J. Guðmundsson skrifar Skoðun Veðmál barna – hættulegur leikur sem hægt er að stöðva Jóhann Steinar Ingimundarson skrifar Skoðun Allt leikur í umburðarlyndi – eða hvað? Sigurður Eyjólfur Sigurjónsson skrifar Skoðun Lyfjafræðingar - traustur stuðningur í flóknum heimi Sigurbjörg Sæunn Guðmundsdóttir skrifar Skoðun Þvílíkt „plan“ fyrir íslensk heimili Magnea Gná Jóhannsdóttir skrifar Skoðun Ísland og móðurplanta með erindi Steinunn Ólína Þorsteinsdóttir skrifar Skoðun Háttvirta nýja þingkonan, María Rut Kristinsdóttir Ólafur Grétar Gunnarsson skrifar Skoðun Alþjóðadagur krabbameinsrannsókna – eitthvað sem mig varðar? Halla Þorvaldsdóttir skrifar Skoðun Af hverju ættum við að stunda geðrækt, rétt eins og líkamsrækt? Sigrún Þóra Sveinsdóttir skrifar Sjá meira
TW. Textinn inniheldur efni og lýsingar sem er ekki fyrir viðkvæma. Um kynferðislegt ofbeldi í nánum samböndum . Flest höfum við einhverjar hugmyndir um hvað kynferðislegt ofbeldi er. Við lesum lýsingar kvenna sem hafa orðið fyrir kynferðislegu ofbeldi á vinnustöðum, skemmtistöðum og í heimapartýjum svo eitthvað sé nefnt. Fæst okkar áttum okkur þó á því gríðarlega mikla og alvarlega kynferðislega ofbeldi sem á sér oft stað innan veggja heimilisins. Þar sem menn beita markvissu og alvarlegu ofbeldi í skjóli þeirrar friðhelgi sem heimilið á að vera. Í nafni húsbóndavalds eða sjálfskipaðs makaréttar sem sá sem ofbeldi beitir, tekur. Þegar kona sem býr við ofbeldi kemur heim, opnar útidyrahurðina, fer úr yfirhöfn og skóm, leggur frá sér lykla og síma og gengur inn er hún ekki að koma heim í öryggi. Þau sem verða fyrir ofbeldi í nánum samböndum lýsa flestir því sama, það er að þær hitta menn sem í upphafi sambands virðast heilbrigðir og góðir einstaklingar en eftir skamman tíma fer að bera á brestum. Og vegna þess að þeir hafa verið svo frábærir í byrjun þá er auðvelt að hunsa rauðu flöggin sem birtast, sérstaklega þar sem þeir eru mjög sannfærandi þegar þeir réttlæta hegðun sína og einnig vegna þess að þeir kenna þolanda sínum um það sem fór úrskeiðis og afsaka og réttlæta þar með gjörðir sínar. Ofbeldissambönd hefjast yfirleitt á því að sá sem beitir ofbeldi byrjar stýringu og stjórn með andlegu ofbeldi, þar sem hann fær hinn aðilann til að verða óöruggan um sína framkomu og hegðun en síðar bætast svo jafnvel fleiri birtingarmyndir ofbeldis við. Að nuða, suða og pressa Algengasta birtingarmynd kynferðislegs ofbeldis í nánum samböndum er það sem hefur verið kallað að „nuða, suða og pressa“. Þá býr sá sem er með ofbeldishegðunina til kröfu um kynlíf sem er oft eitthvað á þessa leið „þú ert nú kærastan/konan mín“, „það er nú eitthvað skrítið að maður megi ekki neitt heima hjá sér“. „Viltu í alvöru að ég fari eitthvað annað“? „Er eitthvað að þér?“ „Þú ert ALDREI í stuði“. Markmiðið er að fá þolandann til að upplifa að kynlíf sé sjálfsagður réttur karls í sambandi og að konum sé skylt að veita þessa þjónustu. Til að styrkja hlýðni kvenna í þessum aðstæðum nota menn andlegt ofbeldi á borð við fýlustjórnun, reiði og/eða ógnarstjórn og stundum aðrar birtingarmyndir til að fá sínu fram. Og algengt er að þolandi hætti að reyna að standa með sér og meti aðstæður þannig að auðveldara sé að láta undan fremur en að eiga á hættu að gerandinn beiti frekara ofbeldi. Að nuða, suða og pressa um mörk, allir einstaklingar hafa persónuleg mörk sem eru þeirra innri áttaviti í gegnum lífið, þetta eru gildin okkar sem manneskjur og mörkin okkar. Þau endurspegla hver við erum og hvað við viljum. Í ofbeldissamböndum getur reynst ómögulegt að halda persónulegum mörkum því aðilinn sem er með ofbeldishegðunina raðar ávallt markmiðum sínum ofar velferð brotaþolans og notar oft andlegt ofbeldi á borð við eftirfarandi setningar til að ryðja veginn „Heldurðu að ég myndi nokkurn tímann meiða þig“? „Treystir þú mér ekki“?, „Þú ert svo mikil tepra“, „Mætti halda að þú hafir verið misnotuð!“ „Ertu ekki með neitt ímyndunarafl“? „Ég veit ekki hvort ég muni endast í sambandi með manneskju sem er ALDREI til í að gera neitt nýtt og „“spennandi““. Sumir gerendur í ofbeldissamböndum setja einnig fram reglur í sambandinu. Dæmi um þetta er „kynlífsdagatalið“ en þá telja þeir sig hafa rétt á líkömum maka síns í ákveðið mörg skipti yfir ákveðið tímabil. Þeir koma fram við maka sína eins og þær séu viðföng sem eigi að veita kynlíf með a.m.k. ákveðnu millibili og ef þær geti ekki orðið við því þá séu þær komnar í líkamlega skuld við maka sinn. Og oftast sér þolandi ekki aðra kosti en að gefa eftir til að losna við fýlu- og reiðistjórnun eða aðrar birtingamyndir ofbeldis. Oft er þannig einfaldara að gefa hreinlega eftir en að „taka slaginn“ því oftar en ekki þarf þolandinn hreinlega á því að halda að geta farið að sofa til að geta sinnt öðrum daglegum skyldum sínum, eins og börnum, vinnu og skóla. Og áfram halda þeir oft og sumir búa það til að þolandi sé í líkamlegri skuld ef þær ætla að eiga einhverjar stundir fyrir sig sjálfar „Ætlarðu út að hitta vinkonur? Ég ætla þá að fylla á tankinn hjá þér áður en þú ferð út“. Eða, „Ég vil þá fá kynlíf um leið og þú kemur heim“. Stigmögnun í kynferðislegu ofbeldi er oft á þann veg að gerandi vill að þolandi fari að taka þátt í athöfnum með öðrum utan sambandsins. Annaðhvort með því að fara fram á að bæta þriðja aðila við í kynlífsathöfnum eða að fara fram á að þolandi sæki nektar og/eða kynlífsstaði, „hvað, er ekki allt í lagi að kíkja á nektar klúbba eða „swing“ klúbba, það þarf ekki að gera neitt!“ eða „í alvöru, við erum komin hingað, ætlar þú að gera okkur að fífli? Allir eru að taka þátt nema þú“. Eða „mér finnst kynlífið okkar svo geggjað og ég vil ekki að það fari að verða leiðinlegt“. Enn og aftur á þolandi erfitt með að neita án þess að það skapist fýla og spenna. Meginmálið er að ef þú færð ekki hreint svar um samþykki þá er svarið nei! „Hmm, leyfðu mér að hugsa“ þýðir í raun nei. „Já þú meinar, ég veit ekki alveg“ þýðir í raun nei. „Kannski seinna“ þýðir í raun nei. „Skoðum málið“ þýðir í raun nei. Allt sem er ekki JÁ, er nei! Í öllum framangreindum tilvikum liggur ekki fyrir samþykki konunnar. Líkami konunnar er „eign“ karlsins og hún hefur engan möguleika á að stöðva ofbeldið þar sem það myndi einungis gera hana útsettari fyrir öðrum birtingarmyndum ofbeldis. Það þarf vissulega ekki að fjölyrða um hversu alvarleg áhrif ofbeldi getur haft á líf þeirra einstaklinga sem fyrir því verða. Vanvirðing gagnvart konum er í þessum tilvikum algjört, konur eru ekki kynlífstæki með púls sem eiga vera til taks 24/7 til að þjónusta karla. Ef þú telur þig búa við ofbeldi í nánu sambandi getur þú haft samband við Bjarkarhlíð, Kvennaathvarfið, Bjarmahlíð og Aflið á Akureyri, Sigurhæðir á Selfossi og Stígamót fyrir þolendur kynferðisofbeldis. Höfundur er kynjafræðingur og ráðgjafi hjá Bjarkarhlíð. Greinin er sú fyrri grein af tveimur, en sú síðari mun birtast á Vísi á næstu dögum.
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar
Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar
Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir skrifar
Skoðun Áskorun til ríkisstjórnarinnar: Innleiðum birgðaskyldu á eldsneyti Halla Hrund Logadóttir skrifar
Skoðun Rétt skal vera rétt um gatnamót við Höfðabakka og Bæjarháls Dóra Björt Guðjónsdóttir skrifar
Skoðun Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir skrifar
Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir skrifar
Skoðun NATO riðar til falls en hvað þýðir það fyrir skilnaðarbarnið Ísland? Steinunn Ólína Þorsteinsdóttir skrifar
Skoðun Af hverju ættum við að stunda geðrækt, rétt eins og líkamsrækt? Sigrún Þóra Sveinsdóttir skrifar
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun