Innlent

Þrjár al­var­legar líkams­á­rásir um helgina

Árni Sæberg skrifar
Þessi mynd var tekin í miðbæ Reykjavíkur um helgina en lögregla hafði þá nóg að gera.
Þessi mynd var tekin í miðbæ Reykjavíkur um helgina en lögregla hafði þá nóg að gera. Vísir/Kolbeinn Tumi

Nokkur erill var hjá Lögreglunni á höfuðborgarsvæðinu um helgina en tuttugu og þrjár líkamsárásir voru tilkynntar, þar af þrjár alvarlegar. Þá fór lögregla í fjórtán útköll vegna heimilisofbeldis.

Þetta kemur fram í færslu embættisins á Facebook, en þar segir að í mörg horn hafi verið að líta um helgina.

Auk ofbeldisbrotanna var tilkynnt um fjögur innbrot og fimm þjófnaðarmál. Þá voru tuttugu og níu ökumenn teknir fyrir ölvunar- og fíkniefnaakstur í umdæminu um helgina. Þrír ökumenn voru staðnir að því að aka á bifreiðum búnum nagladekkjum og þá voru höfð afskipti af á annan tug ökumanna hverra ökutæki sem voru ýmist ótryggð og/eða óskoðuð.

Lögreglumál Reykjavík

Tengdar fréttir

Mest lesið


Fleiri fréttir

Sjá meira


×

Mest lesið