Breiðablik í flokki með risum á morgun og Valur einnig í efri flokki

Sindri Sverrisson skrifar 23. júní 2022 15:52

Breiðablik og Valur leika bæði í undankeppni Meistaradeildar Evrópu en Ísland er í hópi þeirra sextán þjóða sem fá tvö eða þrjú sæti hver í undankeppninni. vísir/diego

Íslandsmeistarar Vals og silfurlið Breiðabliks verða í efri styrkleikaflokkum þegar dregið verður í fyrri umferð undankeppni Meistaradeildar Evrópu í fótbolta kvenna á morgun.

Breiðabliks bíður að öllum líkindum mun erfiðara verkefni við að komast áfram í næstu umferð en Vals, en það skýrist betur upp úr klukkan 11 á morgun þegar dregið verður.

Undankeppninni er skipt upp í „meistaraleið“ og „deildarleið“ eftir því hvort lið komust í keppnina sem landsmeistarar eða sem lið í 2. eða 3. sæti úr einhverri af sterkari deildum Evrópum.

Liðin verða dregin í fjögurra liða smámót þar sem eitt lið kemst áfram úr hverju móti yfir í seinni hluta undankeppninnar. Á þessum mótum eru leiknir stakir leikir og fer hvert mót fram á einum stað. Breiðablik komst í gegnum bæði stig undankeppninnar í fyrra og lék í riðlakeppninni þar sem sextán bestu lið Evrópu eru með.

Gætu mætt Alexöndru

Blikar fara deildarleiðina og eru í efri styrkleikaflokki ásamt liðum á borð við Manchester City, Real Madrid, Ajax og Paris FC sem þó ber að rugla ekki saman við PSG. Eitthvert þessara liða gæti beðið Blika í úrslitaleik vinni liðið í undanúrslitum.

Sterkasta liðið sem Blikar geta mætt í undanúrslitum er Frankfurt, lið Alexöndru Jóhannsdóttur sem kom heim að láni til Breiðabliks fyrri hluta sumars, en einnig er mögulegt að liðið mæti Íslendingaliði Kristianstad eða Rosenborg.

Deildarleiðin

Efri flokkur:

1 Manchester City (ENG) 63.200

2 Glasgow City (SKO) 33.400

3 Fortuna Hjørring (DAN) 28.550

4 Real Madrid (SPÁ) 26.233

5 FC Minsk (HVÍ) 23.400

6 Ajax (HOL) 20.900

7 Breidablik (ÍSL) 17.850

8 Paris FC (FRA) 17.666

Neðri flokkur:

9 Eintracht Frankfurt (ÞÝS) 15.133

10 Servette FCCF (SVI) 10.500

11 Kristianstad (SVÍ) 8.833

12 Slovácko (TÉK) 7.766

13 Sturm Graz (AUS) 6.700

14 Rosenborg (NOR) 6.500

15 Roma (ÍTA) 5.900

16 Tomiris-Turan (KAS) 4.600

Valur fer meistaraleiðina og þar eru sterkustu liðin fyrir fram talin vera Juventus og BIIK-Shhymkent frá Kasakstan. Hafi Valskonur heppnina með sér ættu þær að geta fengið nokkuð þægilegt verkefni við að koma sér í gegnum undanúrslit og úrslit.

Meistaraleiðin

Efri flokkur:

1 Juventus (ÍTA) 30.900

2 BIIK-Shymkent (KAS) 30.600

3 St. Pölten (AUS) 25.700

4 Zürich (SVI) 22.500

5 Gintra (LIT) 18.600

6 Spartak Subotica (SER) 16.800

7 Vllaznia (ALB) 14.400

8 Twente (HOL) 13.900

9 Benfica (POR) 13.600

10 Apollon LFC (KÝP) 13.000

11 Anderlecht (BEL) 12.400

12 SFK 2000 Sarajevo (BOS) 11.400

13 Universitatea Olimpia Cluj (RÚM) 10.800

14 Vorskla-Kharkiv-2 (ÚKR) 10.200

15 Valur (ÍSL) 8.350

16 Ferencváros (UNG) 8.300

17 PAOK (GRI) 7.600

18 Pomurje Beltinci (SLV) 7.400

19 Breznica Pljevlja (SVA) 6.000

20 Dinamo-BSUPC (HVÍ) 5.400

21 Flora Tallinn (EIS) 4.600

22 Brann (NOR) 4.500

Neðri flokkur:

23 Rangers (SKO) 4.400

24 Lanchkhuti (GEO) 3.800

25 Split (KRÓ) 3.700

26 Racing FC Union Luxembourg (LÚX) 3.600

27 KÍ Klaksvík (FÆR) 3.600

28 Shelbourne (ÍRL) 3.500

29 Birkirkara (MAL) 3.000

30 Swansea City (WAL) 2.900

31 Qiryat Gat (ÍSR) 2.800

32 ALG Spor (TYR) 2.600

33 SFK Rīga (LET) 2.400

34 Agarista CSF Anenii Noi 2020 (MOL) 2.400

35 Glentoran (NÍR) 2.200

36 UKS SMS Łódź (PÓL) 2.200

37 KuPS Kuopio (FIN) 1.900

38 Hayasa (ARM) 1.400

39 Lokomotiv Stara Zagora (BÚL) 1.200

40 Hajvalia (KOS) 1.100

41 Spartak Myjava (SVK) 1.100

42 Ljuboten (MAK) 0.400

Meistaradeild Evrópu í fótbolta kvenna Fótbolti Breiðablik Valur

Mest lesið

Fleiri fréttir