Mikill við­búnaður lög­reglu í Veg­húsum

Samkvæmt heimildum Vísis var mikill viðbúnaður lögreglu fyrir framan Veghús 5 í Grafarvogi fyrr í kvöld. Að sögn vitna mátti sjá fjölda lögreglubíla og sérsveitamenn á bílastæðinu fyrir framan blokkina frá rúmlega tíu til hálf tólf í kvöld.

Á myndum sem fréttastofunni bárust má sjá lögreglubíla, bíla sérsveitarinnar og vopnaða sérsveitarmenn.

Ekki er enn vitað hvers vegna viðbúnaðurinn var svo mikill eða hvers vegna sérsveitin var kölluð út.

Ekki náðist í lögregluna við gerð fréttarinnar.