Íbúar í Tókýó hvattir til að draga úr orkunotkun vegna hitabylgju

Búist er við að álagið á raforkukerfið verði gríðarlegt síðdegis í dag að japönskum tíma og því er fólk hvatt til að slökkva öll ljós á meðan loftkæling er notuð en slík tæki eru afar orkufrek. 

Um helgina fór hitinn í Tókýó yfir 35 gráður og í borginni Isesaki féll met þegar mælar sýndu 40,2 gráður. Það er hæsta hitastig sem nokkurntímann hefur sést í Japan í júnímánuði. 

Orkuframleiðsla Japana hefur verið með minnsta móti síðustu mánuði eftir að jarðskjálfti í austurhluta landsins varð þess valdandi að slökkva þurfti á nokkrum kjarnorkuverum.