Út­varpi Sögu hafnað um rekstrar­stuðning

Greint er frá þessu í Morgunblaðinu en alls var þremur umsóknum um stuðning hafnað. Auk Útvarps Sögu var það Nordic Times Media ehf. sem gefur út landkynningarblöð, og Snasabrún ehf. sem rekur vefinn Handbolti.is.

Alls þarf fjölmiðill að uppfylla átta skilyrði til að geta fengið rekstrarstuðning. Meðal annars þarf miðillinn að hafa verið á skrá hjá fjölmiðlanefnd í tólf mánuði eða lengur, að minnsta kosti að hafa þrjá starfsmenn í fullu starfi, prentmiðlar þurfa að koma út að lágmarki tuttugu sinnum á ári og þurfa netmiðlar að miðla nýju efni á virkum dögum í tuttugu vikur á ári.

Það voru alls 380 milljónir króna sem dreift var til einkarekinna fjölmiðla í ár og fengu alls 25 þeirra rekstrarstuðning. Stuðningurinn má að hámarki vera 25 prósent af stuðningshæfum rekstrarkostnaði fjölmiðla en endanlegt hlutfall ræðst alltaf af umfangi og fjölda umsókna.

Samkvæmt ákvörðun úthlutunarnefndar hljóta eftirfarandi 25 fjölmiðlaveitur rekstrarstuðning árið 2022:

• Árvakur hf. 66.767.227 kr.
• Birtíngur útgáfufélag ehf. 13.207.817 kr.
• Bændasamtök Íslands 16.756.577 kr.
• Elísa Guðrún ehf. 3.707.875 kr.
• Eyjasýn ehf. 1.914.776 kr.
• Fótbolti ehf. 5.744.382 kr.
• Fröken ehf. 5.814.742 kr.
• Hönnunarhúsið ehf. 997.180 kr.
• Kjarninn miðlar ehf. 14.519.325 kr.
• Leturstofan Vestmannaeyjum ehf. 1.452.776 kr.
• MD Reykjavík ehf. 4.642.775 kr.
• Myllusetur ehf. 25.012.660 kr.
• N4 ehf. 20.713.191 kr.
• Nýprent ehf. 4.249.793 kr.
• Prentmet Oddi ehf. 2.412.119 kr.
• Skessuhorn ehf. 9.336.785 kr.
• Sólartún ehf. 10.489.583 kr.
• Steinprent ehf. 1.632.473 kr.
• Sýn hf. 66.767.227 kr.
• Torg ehf. 66.767.227 kr.
• Tunnan prentþjónusta ehf. 2.117.748 kr.
• Útgáfufélag Austurlands ehf. 3.660.962 kr.
• Útgáfufélagið ehf. 4.306.578 kr.
• Útgáfufélagið Stundin ehf. 22.273.029 kr.
• Víkurfréttir ehf. 5.697.371 kr.