Rodrygo hetja Real Madrid gegn D-deildarliði Cacereno

Madrídingar mættu ekki með sitt sterkasta lið til leiks, enda á leikur gegn liði sem leikur í fjórðu efstu deild að vera formsatriði fyrir félag eins og Real Madrid.

Gestirnir áttu þó í stökustu vandræðum með að brjóta ísinn og það tókst ekki fyrr en að um tuttugu mínútur voru til leiksloka þegar Rodrygo kom boltanum í netið eftir stoðsendingu frá Daniel Ceballos og niðurstaðan því 0-1 sigur Real Madrid.

Madrídingar eru því á leið í 16-liða úrslit Copa del Rey á kostnað Cacereno sem situr eftir með sárt ennið.