Tryggvi frábær þegar Zaragoza vann í framlengdum leik

Zaragoza var með Real Betis í heimsókn en liðin eru að berjast í kringum fallsvæðið og var leikurinn hnífjafn. Eftir framlengingu unnu Tryggvi og félagar sjö stiga sigur, 89-82.

Tryggvi spilaði 30 mínútur í leiknum; skoraði 14 stig og tók 10 fráköst ásamt því að gefa þrjár stoðsendingar.

Í ítölsku úrvalsdeildinni máttu Jón Axel Guðmundsson og félagar í Pesaro þola stórt tap fyrir Sassari, 110-74. Jón Axel spilaði þrettán mínútur og skoraði sex stig.

Í sama landi átti Sara Rún Hinríksdóttir góðan leik fyrir Faenza sem tapaði fyrir Campobasso, 59-73.

Sara var stigahæst í liði Faenza með átján stig á þeim 22 mínútum sem hún spilaði.