Sjáðu fyrstu íslensku Super Bowl auglýsinguna

Mikil vinna er lögð í gerð auglýsinga sem eru sýndar í kringum Super Bowl enda er áhorfið gríðarlega mikið og auglýsingaplássið kostar sitt.

Baldur Kristjánsson hefur venjulega birt skemmtilegar ljósmyndir í kringum Super Bowl en í ár tók hann skref fram á við og gerði fyrstu íslensku Super Bowl auglýsinguna.

Valinn maður var í hverju rúmi við gerð auglýsingarinnar. Þorvaldur Davíð Kristjánsson leikari talsetti hana, Kristján Sturla Bjarnason gerði tónlistina og Sóli Hólm lagði einnig heldur betur sitt að mörkum.

„Þetta er það skemmtilegasta sem ég hef gert,“ sagði Baldur þegar hann kynnti auglýsinguna.

Hana má sjá í spilaranum hér fyrir ofan.