Ísland óbyggilegt í nýju verkefni Ólafs Darra og félaga

Tryggvi Páll Tryggvason skrifar 21. mars 2023 14:01

Íslenskt eldfjall mun hafa mikil áhrif á líf Íslendinga í hinni nýju þáttaröð Vísir/Vilhelm

Fyrsta verkefni nýs íslensks framleiðslufyrirtækis leikarans Ólafs Darra Ólafssonar og félaga verður átta þátta spennuþáttaröð sem fjallar um afdrif Íslendinga eftir að Ísland verðir óbyggilegt vegna eldgoss.

Variety greinir frá og segir um að um sé að ræða svokallaðan umhverfistrylli (eco-thriller) sem ber nafnið Volcano eða eldfjall.

Þar segir að Act 4, nýstofnað framleiðslufyrirtæki Ólafs Darra og félaga, muni taka höndum saman með bandarísku og króatísku framleiðslufyrirtæki við framleiðslu þáttanna.

Á vef Variety segir að um sé að ræða átta þátta þáttaröð sem muni skoða hvað gerist eftir að Ísland verður óbyggilegt af völdum eldgoss. Það leiði til þess, að skipan Sameinuðu þjóðanna, að eftirlifandi Íslendingar verði fluttir til Króatíu.

Þættirnar fjalla um það hvernig samfélögunum tveimur tekst að aðlaga sig að nýjum aðstæðum.

Þættirnir verða skrifaðir af Herði Rúnarssyni, einum af stofnanda Act 4 framleiðslufyrirtækisins, ásamt Mateja Božičević.

Þættirnir verða teknir upp á Íslandi og í Króatíu og standa vonir til þess að framleiðsla geti hafist snemma á næsta ári.

Kvikmyndagerð á Íslandi Bíó og sjónvarp Hollywood